Drejtori i Përgjithshëm i Policisë së Shtetit, Skënder Hita ka mbërritur në Drejtorinë e Policisë së Kor&cce...
AKTUALITET
U kap me kokainë, ky është Ervin Kaftira! 45-vjeçarit i sekuestrohen dy armë dhe një motomjet
PiranjatPërditësimi i fundit 17 Janar 2026, 10:56
Personi që shihni në foto është 45-vjeçari Ervin Kaftira, i arrestuar nga Sektori i Antidrogës në Tiranë gjatë një operacioni të zhvilluar në periferi të kryeqytetit.
Policia e Tiranës bën me dije se Ervin Kaftira u vu në pranga në një parkim, në afërsi të Rrethrrotullimit të Tegut, ku dhe iu gjet një sasi lënde narkotike kokainë, që dyshohet se e posedonte me qëllim shitjen në sasi, në zona të ndryshme të Tiranës.
Mësohet se gjatë kontrollit të banesës, nga forcat blu atij iu gjet 1 armë gjahu dhe 1 armë sportive, të cilat janë sekuestruar bashkë me kokainën, 1 motomjet dhe 1 celular.
Burime bëjnë me dije se Kaftira ishte nën monitorim disa muaj nga uniformat blu, të cilat po ndiqnin lëvizjet dhe aktivitetet e tij.
Ai njihet në Tiranë për aktivitetin me makina luksoze me qira dhe mjete retro.
Njoftimi i policisë:
Tiranë/Finalizohet nga Seksioni për Hetimin e Narkotikëve, operacioni policor i koduar “Cargo 1”.
U kap në flagrancë në një parkim me 1 pako me lëndë narkotike kokainë, vihet në pranga 45-vjeçari.
Sekuestrohen 1 kg e 39.4 gramë lëndë e dyshuar narkotike kokainë, 1 motomjet, 1 aparat celular, 1 armë gjahu dhe 1 armë sportive.
Shërbimet e Seksionit për Hetimin e Narkotikëve, në vijim të operacioneve të njëpasnjëshme për goditjen e veprimtarive kriminale në fushën e narkotikëve, në kuadër të një procedimi penal ndjekur me metoda proaktive, nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, kanë organizuar dhe kanë finalizuar operacionin policor të koduar “Cargo 1”.
Si rezultat i këtij operacioni, u bë kapja dhe arrestimi në flagrancë i shtetasit E. K., 45 vjeç, banues në Tiranë.
Shërbimet e Policisë kanë lokalizuar në një parkim, në afërsi të Rrethrrotullimit të Tegut, shtetasin E. K., të cilit iu gjet një sasi lënde narkotike kokainë, që dyshohet se e posedonte me qëllim shitjen në sasi, në zona të ndryshme të Tiranës.
Më tej, gjatë kontrollit të banesës, iu gjet 1 armë gjahu dhe 1 armë sportive.
Lënda narkotike, së bashku me 1 motomjet, 1 aparat celular, 1 armë gjahu dhe 1 armë sportive, u sekuestruan në cilësinë e provës materiale.
Materialet procedurale i kaluan Prokurorisë, për veprime të mëtejshme.
