Personi në foto, efektivi i ‘Shqiponjave’ Edison Adri, i cili mbeti i plagosur gjatë operacionit policor të zhvilluar në zon&e...
AKTUALITET
U ndërpre dje, vijon sot seanca për masat e sigurisë ndaj të 30 arrestuarve në Elbasan
PiranjatPërditësimi i fundit 11 Shtator 2025, 10:14
KKëtë të enjte në orën 09:30 rinisi në Gjykatën e Elbasanit seanca e masave të sigurisë e ndërprerë dje për të arrestuarit gjatë operacionit të bujshëm antidrogë të koduar “First Day”.
Seanca dje u shty pas kërkesës së avokatëve mbrojtës, të cilët kërkuan kohë për t’u njohur me aktet e hetimit dhe për të përgatitur mbrojtjen e klientëve të tyre.
Megaoperacioni “First Day”, i finalizuar në fillim të kësaj jave nga Policia e Elbasanit në bashkëpunim me Prokurorinë e rrethit, kishte si objektiv goditjen e një rrjeti të mirëorganizuar të shpërndarjes së lëndëve narkotike në të gjithë qarkun. Si rezultat i këtij operacioni të shtrirë në disa qytete, përfshirë Elbasanin, Librazhdin, Gramshin, Cërrikun, Peqinin, Belshin dhe Prrenjasin u ekzekutuan gjithsej 30 masa sigurie:
•25 persona u arrestuan me urdhër “arrest në burg”;
•5 të tjerë u kapën në flagrancë;
•1 shtetas u procedua penalisht në gjendje të lirë.
Prokuroria ka kërkuar masa sigurie për 30 persona, nga të cilët 28 “arrest me burg” dhe 2 “arrest shtëpie”. Hetimi i këtij rrjeti është zhvilluar për disa muaj me metoda speciale të hetimit, që çuan në identifikimin e strukturës dhe rolit të secilit anëtar të përfshirë në aktivitetin kriminal.
Ndërkohë, gjatë kontrolleve të ushtruara në kuadër të operacionit, u sekuestruan sasi të konsiderueshme kokaine, kanabisi, armë zjarri, municion luftarak, shuma të mëdha parash në valutë të huaj, targa automjetesh dhe pajisje të tjera të përdorura për aktivitetin kriminal.
