Gjykata Penale ka vendosur lirimin e tre protestuesve të ndaluar gjatë protestave studentore, të cilat vijojnë prej dy javësh në...
AKTUALITET
Udhëtimet e fundvitit: Ku po shkojnë shqiptarët
PiranjatPërditësimi i fundit 25 Dhjetor 2025, 11:49
Me afrimin e festave, shqiptarët po zgjedhin udhëtime në qytete evropiane si Vjena, Parisi dhe Stambolli, me çmime që variojnë nga 350 deri në 550 €/person. Për ata që kërkojnë udhëtime më luksoze, destinacione si Dubai, Budva dhe Dubrovnik ofrojnë paketa deri në 900 €/person. Paketat e organizuara mbeten më të preferuarat, veçanërisht për familjet dhe grupet që kërkojnë udhëtim pa stres dhe shërbime të plota.
Tendenca e këtij viti tregon një rritje të interesit për përvoja dimërore autentike dhe të veçanta. Destinacione si Lapland ofrojnë paketa festive nga 1,000 deri në 2,000 €/person, që përfshijnë fluturim, akomodim dhe aktivitete tematike, ndërsa Kajro po tërheq gjithashtu vëmendje me oferta 4-netëshe nga 650 €/person. Alternativat rajonale dhe më ekonomike, si 2–3 ditë në bregdetin e Malit të Zi ose itinerare Dubrovnik–Budva me hotel dhe transport, mbeten opsione të përballueshme për familjet me buxhet më të kufizuar.
Periudha 24 dhjetor–2 janar shënon pikun e sezonit, ku disponueshmëria e ulët dhe shtesat për bagazhe, transferta dhe evente speciale rrisin shpenzimet totale. Disa udhëtarë zgjedhin oferta “all inclusive” me guida në shqip dhe paketa të mbyllura, ndërsa të tjerë kombinon fluturime low-cost me rezervime individuale, duke krijuar një treg të larmishëm dhe aktiv për fundvitin.
