Kreu i Partisë Demokratike Sali Berisha komentoi zgjedhjet në Serbi, teksa Aleksandar Vuçiç ra nga pushteti pas 14 vitesh.
Berisha u ...
AKTUALITET
Vendimi/ Kërkesa e Ilir Metës u refuzua, Kushtetuesja zbardh vendimin e 8 prillit, ja pse votuan 5 gjyqtarë kundër
PiranjatPërditësimi i fundit 11 Qershor 2026, 17:18
Gjykata Kushtetuese ka zbardhur vendimin e 8 prillit, duke rrëzuar me shumicë votash kërkesën e ish-Presidentit Ilir Meta për shpalljen antikushtetuese të masës “arrest me burg”.
Sipas vendimit, pesë gjyqtarë votuan kundër ankimit, ndërsa gjyqtaret Marjana Semini dhe Marsida Xhaferllari mbështetën kërkesën e tij. Gjyqtarja Sonila Bejtja ka formuluar një mendim të veçantë, duke u rreshtuar gjithashtu në favor të pozicionit të ish-Presidentit.
Dosja Meta-Kryemadhi
Ilir Meta u arrestua më 21 tetor 2024. Ai dhe ish-deputetja Kryemadhi dyshohen se, duke bashkëpunuar mes tyre dhe me funskionarë të tjerë shtetërorë, në disa episode duke nisur nga 15 vite më parë kanë shfrytëzuar postet e tyre shtetërore dhe politike për të favorizuar kompani private, si dhe në veprimtari të tjera me lobime në SHBA dhe shitblerje banesash në këmbim të përfitimit të shumave të konsiderueshme parash, të cilat janë përpjekur t'i fshehin, duke mos i deklaruar në ILDKPI dhe KQZ.
Konkretisht, Kryemadhi po hetohej nga SPAK për tre akuza, pastrim parash, korrupsion dhe mosdeklarim të ardhurash. Gjykata la në fuqi më 23 tetor masën “detyrim për t’u paraqitur në policinë gjyqësore” ndaj Kryemadhit, për të njëjtat vepra penale, si dhe ndaj të hetuarës Ema Çoku, për pastrim parash.
Ndërkohë ndaj Piro Xhixhos, i hetuar për korrupsion pasiv, iu zëvëndësua masa e sigurisë nga “arrest në shtëpi” në “detyrim për t’u paraqitur në policinë gjyqësore”. Të tre të hetuarit nën masën e sigurimit “detyrim paraqitje” urdhërohen të paraqiten një herë në muaj në zyrat e Policisë Gjyqësore të SPAK.
