Pas ditës së pestë të protestës studentore, kryeministri Edi Rama njoftoi se efektivët e angazhuar në protestë do të...
AKTUALITET
VIDEO/ “Aman mos më çoni në komisariat”, policia shoqëron me pranga 10-vjeçarin pas protestës së opozitës
PiranjatPërditësimi i fundit 24 Janar 2026, 22:15
Në mesin e rreth 20 protestueseve të shoqëruar mbrëmjen e sotme në polici pas protestës së Partisë Demokratike, është dhe një djalë i moshës 10-vjeçare.
I mituri është filmuar teksa është lidhur me pranga së bashku me një polic dhe futet brenda makinës së policisë për tu dërguar në komisariat. Gjatë këtij momenti, 10-vjeçari i lutet efektivëve të mos e dërgojnë në polici.
Kjo ngjarje ka sjellë dhe reagimin e deputetes së Partisë Demokratike Jozefina Topalli. Kjo e fundit ka akuzuar kryeministrin Edi Rama se ka shkelur vijën e kuqe morale dhe shtetërore duke treguar forcën me të miturit e duke ngritur një regjim që mbahet në këmbë prej frikës.
“Edi Rama ka sjellë policinë kundër opozitës dhe ka arrestuar një fëmijë 10-vjeç. Kjo nuk është më as gabim, as teprim – është kalim i vijës së kuqe morale dhe shtetërore. Një pushtet që prek fëmijët për të treguar forcë, ka humbur çdo legjitimitet politik dhe njerëzor.
Kur shteti trembet nga qytetarët dhe shfryn mbi më të pambrojturit, kemi të bëjmë jo me qeverisje, por me regjim të frikës. Kjo është fytyra e vërtetë e një pushteti në grahmat e fundit. Kete bejne vetem ne Iran”, shkruan Topalli. Protesta e mbrëmjes së sotme e thirrur nga Partia Demokratike, për shkak të molotovëve, gazit lotsjellës, dhunës e hedhjes së gurëve, përfundoi me bilancin, rreth 11 efektivë e 4 qytetarë të lënduar e rreth 20 persona të shoqëruar në polici.
Nga Klodian Tomorri
Gazi i skaduar dhe halli i madh
Aq hajdute jane saqe edhe gazin qe i hedhin miletit e blejne te skaduar. Por turpin nuk e njohin hic.
Sot...
