DashiSot fuqitë tuaja bindëse janë në nivelin më të lartë. Kjo është një ditë e mirë për t&eu...
AKTUALITET
VIDEO/ Denoncimi i qytetarit: Masakër mjedisore në Shkumbin! Shtrati i lumit tjetërsohet për përfitime me inerte
PiranjatPërditësimi i fundit 14 Shkurt 2026, 19:52
Një qytetar ka denoncuar pranë redaksisë së Piranjat News një ndërhyrje të rëndë mjedisore që, sipas tij, po ndodh në shtratin e lumit Shkumbin. Sipas denoncimit, lumi po devijohet me qëllim shfrytëzimin e shtratit për marrjen e inerteve, një veprim që qytetari e cilëson tërësisht të kundërligjshëm dhe të pajustifikueshëm.
Sipas qytetarit, ndërhyrja jo vetëm që po tjetërson shtratin e lumit, por po krijon një precedent të rrezikshëm për mjedisin dhe komunitetin përreth.
Ai ngre gjithashtu shqetësimin për përdorimin e inerteve të marra nga shtrati i lumit në ndërtimin e rrugëve.
Denoncimi:
A mund të quhet normale devijimi i një lumi vetëm për të shfrytëzuar shtratin dhe për të marrë inerte? Një ndërhyrje e tillë është tërësisht e kundërligjshme dhe nuk ka asnjë vendim që mund ta justifikojë shkatërrimin në këtë shkallë. Pasojat që lë pas janë të përhershme, të rënda për ekosistemin dhe të pajustifikueshme.
Shtrati i lumit Shkumbin po tjetërsohet, ndërsa problematikat që po krijohen janë tashmë qartë të dukshme: dëmtim i rrjedhës natyrore, humbje e tokës, rritje e rrezikut nga përmbytjet dhe shkatërrim i habitateve. Por shqetësimi nuk mbaron këtu.
Inertet e marra nga shtrati i lumit nuk duhet të përdoren kurrsesi për ndërtimin e rrugëve. Kjo është bazë e inxhinierisë: ky material nuk është i qëndrueshëm. Mjafton të shohim cilësinë e rrugëve që kemi sot dhe çarjet e tyre për ta kuptuar qartë këtë pasojë./Piranjat.news
