Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
VIDEO/ U kap me doza kokaine gati për shitje, arrestohet 28-vjeçari në Tiranë
ZH.LLPërditësimi i fundit 8 Janar 2025, 09:39
lenda narkotike
TIRANË- Një 28-vjeçar që posedonte lëndë narkotike me qëllim shitjen, është arrestuar nga policia e kryeqytetit. Sipas njoftimit të bluve, i arrestuari me iniciale J. Sh., sapo ka konstatuar policinë në "Bakalli", ka shpërbërë një dozë lënde të dyshuar narkotike kokainë.
Gjatë finalizimit të këtij aksioni janë sekuestruar doza kokaine dhe rreth 800 gramë lëndë narkotike cannabis sativa që u gjetën gjatë kontrollit fizik ndaj 28-vjeçarit dhe kontrollit në banesën e tij.
Vijon puna intensive për identifikimin dhe kapjen e shtetasve të tjerë të përfshirë në këtë veprimtari kriminale.
Materialet procedurale do t’i kalojnë Prokurorisë pranë Gjykatës së Shkallës së Parë Tiranë, për veprime të mëtejshme, për veprën penale “Prodhimi dhe shitja e narkotikëve”.
Njoftimi:
Vijojnë operacionet për goditjen e veprimtarive kriminale në fushën e narkotikëve. Finalizohet nga Komisariati i Policisë Nr. 6, në bashkëpunim me Seksionin për Hetimin e Narkotikëve, operacioni policor i koduar “Rrugica”. Sekuestrohen doza kokaine dhe rreth 800 gramë lëndë narkotike cannabis sativa. Vihet në pranga 28-vjeçari që posedonte lëndët narkotike, me qëllim shitjen. Seksioni për Hetimin e Narkotikëve, në bashkëpunim me Komisariatin e Policisë Nr. 6, në bazë të informacioneve të siguruara në rrugë operative se në rrugën “Bakalli”, një shtetas shiste doza kokaine, organizuan dhe finalizuan operacionin policor të koduar “Rrugica”, si rezultat i të cilit u arrestua shtetasi J. Sh., 28 vjeç, banues në Tiranë. Në rrugën “Bakalli”, shërbimet e Policisë kanë ndërhyrë për kapjen e shtetasit J. Sh., i cili sapo ka konstatuar shërbimet e Policisë, ka shpërbërë një dozë lënde të dyshuar narkotike kokainë. Gjatë kontrollit fizik ndaj 28-vjeçarit dhe kontrollit në banesën e tij, shërbimet e Policisë kanë gjetur doza të lëndës së dyshuar narkotike kokainë dhe rreth 800 gramë lëndë të dyshuar narkotike cannabis sativa, që dyshohet se i posedonte me qëllim shitjen. Vijon puna intensive për identifikimin dhe kapjen e shtetasve të tjerë të përfshirë në këtë veprimtari kriminale. Materialet procedurale do t’i kalojnë Prokurorisë pranë Gjykatës së Shkallës së Parë Tiranë, për veprime të mëtejshme, për veprën penale “Prodhimi dhe shitja e narkotikëve”.
