Protestat studentore në Shqipëri kanë hyrë sot në ditën e 14-të radhazi, ndërsa një numër i madh të rinjs...
AKTUALITET
Vijojnë protestat në Vlorë, protestuesit: Më 13 qershor autobusë pafund me qytetarë drejt Tiranës
PiranjatPërditësimi i fundit 8 Qershor 2026, 19:45
Qytetarët e Vlorës janë mbledhur sërish sot te sheshi i flamurit për të disatën ditë duke protestuar kundër projektit të Zvërnecit. Me flamuj kombëtarë dhe pankarta me emrat e fshatrave të zonës, protestuesit kërkuan anulimin e projektit dhe i drejtuan thirrje qeverisë që të tërhiqet nga zbatimi i tij.
Ata deklaruan se kundërshtimi i tyre nuk lidhet vetëm me projektin e Zvërnecit, por edhe me një sërë problematikash të tjera sociale dhe ekonomike. Sipas tyre, qytetarët duhet të reagojnë dhe të kërkojnë më shumë të drejta përmes protestave paqësore.
“Protestojmë për një Shqipëri më të mirë, më demokratike dhe për të ardhmen e vendit d dhe për të gjithë shqiptarët që janë tradhtuar e janë përzënë nga këto troje”, u shpreh një prej protestuesve, duke theksuar se shqetësimet e tyre shkojnë nga çështjet ekonomike deri te projektet që, sipas tyre, prekin interesin publik.
Protestuesit paralajmëruan se protestat do të vijojnë çdo ditë pa ndërprerje. Ata njoftuan gjithashtu se më 13 qershor do t’i bashkohen protestës që organizohet në Tiranë, ku nga Vlora pritet të nisen autobusë me qytetarë për t’iu bashkuar tubimit.
“Në 13 qershor nga Vlora do të nisen autobusë pafund për në Tiranë, që populli të protestojë lirshëm”.
