Një seri manovrash janë përdorur nga Belinda Balluku, për të përfituar një vilë luksoze me pishinë në një...
AKTUALITET
Vlora 5 ditë pa ujë/ Bido mundohet të gjejë 'fajtorin', Cakrani: Eshtë vjedhur, socialistët e kthyen qytetin në geto
PiranjatPërditësimi i fundit 29 Dhjetor 2025, 10:06
Qyteti turistik i Vlorës prej 5 ditësh vuan mungesën e ujit në çezma. Banorët bëjnë me faj për situatën skandaloze vjedhjen dhe keqmemaxhimin e fondeve ndërsa situata përtej propagandës duket se nuk ka zgjidhje të shpejtë.
Në një intervistë për “Kafe Shqeto’ avokati Kujtim Cakrani, banor në këtë qytet thotë se Vlora është kthyer në një geto nga qeverisja socialiste dhe se defekti është vetëm maja e ajsbergut që nxjerr në pah të gjithë keqmenaxhimin dhe vjedhjet që janë bërë.
“Në 12 vite flitet se janë hedhur 2 mld euro. Lungo Mare u bë me parat e BE-së dhe nuk është dorëzuar akoma dhe ka kushtuar 36 mln euro. Pra 2 km 36 mln euro. Si të shtrohej me flori nuk do të kushtonte sot. Vlora sot është një geto. Lagjet e qytetit me shiun e parë përmbyten, rrugët nëpër lagje brenda janë të shkatërruara. Vlora ska ujë. Dhe sikur të vijë sot, nuk ka më shumë se një orë ujë” tha Cakrani.
Deputeti socialist Ardi Bido e justifikon faktin se dëmi që është shkaktuar është në një tub unik dhe po punohet për ta riparuar ndërsa premton se me ujësjellësin e ri që do vihet në funksion në maj do zgjidhet problemi
“Tubi është unik në Shqipëri. Po punohet për të bërë riparimin, janë bërë 3 prova që kanë rezultuar të dështuara. Besoj se gjatë ditëssë sotme do të zgjidhet. Problem nuk është tek uji por menaxhimi kryesor i ujit që të shpresojmë që nga maji të ketë marrë fund.
Nga këto 100 mln euro të hedhura për ujësjellësin e ri në këto vite ujësjellësi ekzistues nuk ka marrë asnjë lekë.
Investimi ekzsituese nuk ka marrë lekë. Rrjeti i ri do të furnizojë Vlorën, në një rrugë tjetër paralele me magjistralen ekzistuese. Investimi i ri futet në 2026.
Shqetësimi i qytetarëve është i përligjur. Shpresoj që të ketë zgjidhje se nuk meritoj që qyteti të ketë problem të tilla.
Kemi të bëjmë me një tub që është specific dhe nuk ka tjetër në Shqipëri që të jetë sic është ky në Vlorë dhe nuk ka as në rajon. Është tentuar 2 – 3 herë e prapë nuk ka arritur të zgjidhet” thotë Bido.
Por avokati Kujtim Cakrani thotë se problem është më I madh, ndërsa qeverisja socialiste e pushtetit vendor dhe qëndror, pavarësisht propagandës nuk ka zgjidhur problemin e ujit nëpër lagjet e Vlorës, të cilat edhe në ditët normale vuajnë mungesën e ujit.
” Vlora s'ka ujë. Dhe sikur të vijë sot, nuk ka më shumë se një orë ujë. Lagjja ‘Lirim’, ‘15 tetori’, ‘Partizani’, ‘Kushtrimi’ në verë e në pranverë nuk kanë ujë. Nuk është se u rregullua sot dhe u zgjidh halli. Vlora është vjedhur dhe vijon të vidhet përtej propagandës së regjimit e patronazhimit. Edhe sikur të vijë sot uji, lagjet do të jenë pa ujë. Nuk rregullohet dot as sot as nesër as pasnesër. Rregullohet pas datës 6 janar. Propaganda vijon të gënjejë vlonjatët. Vlora vijon të vidhet nga të majtët që e kanë qeverisur. Vlora është qytet i vjedhur. Nuk ka asnjë justifikim tjetër, sepse nga 1997 deri sot në kanalizime ujësjellës mund të jenë bërë 300 – 400 milionë euro. Hap e mbyll rrugë. Kjo është historia e Vlorës përtej propagandës.”
Në replikë deputeti socialist thotë se duhet hetim.
A do të them që nuk është vjedhur dje apo 2009. Mos ma kërkoni mua? Duhet hetim administrativ dhe hetim penal . Nuk e kanë borxh vlonjatët. Inxhinierët më thonin dje se nuk ka qenë defekt I shkaktuar nga njeriu”
Ndërsa Cakrani, kërkon që realiteti të shihet në sy
“Nuk vjen uji as sot as nesër në qytetin e Vlorës. Më kanë shkruar inxhinierë dhe atje tek magjjistrali. Vlora do të jetë pa ujë. Të përgatiten qytetarët e Vlorës dhe ata që vijnë nga jashtë që e shikojnë Shqpërinë përmes propagandës së regjimit e vijmë të shijojnë të mirat që ka bërë Edi Rama në Vlorë e të rrinë pa ujë. Të rrinë si skllevër e të mbushin ujë tek Uji i Ftotë me bidona. Të rrinë aty si legena”
