Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
Vrasja e dyfishtë në Klinë/ Autori i dyshuar la takim me viktimat përmes rrjeteve sociale, nxorri armën fshehurazi dhe i qëlloi për vdekje
n.fPërditësimi i fundit 15 Nëntor 2024, 17:15
Autori i dyshuar
KLINË- Detaje të reja janë zbardhur në lidhje me vrasjen e regjistruar pak ditë më parë në Klinë. Mësohet se autori i dyshuar, 19-vjeçari Jon Hoti përmes rrjeteve sociale kishte lënë një takim me Rexhep e Albison Shlivova në një lokal në qendër të Klinës.
Dosja e prokurorisë të kanë siguruar mediat në Kosovë tregon se 19-vjeçari në mënyrë të fshehtë dyshohet se kishte nxjerrë një armë zjarri dhe ishte kthyer nga dy viktimat. Më pas ai shtënë në drejtim të tyre duke u shkaktuar plagë të rënda. Rexhep e Albison Shlivova nuk arritën t'u shpëtonin plagëve që kishin marrë.
Raportohet se ekipe policore janë të vendosura në afërsi të shtëpive të viktimave dhe të dyshuarit për shkak se raportet janë acaruar mes familjeve. Këtë e mbështet edhe një deklaratë e njërit nga familjarët e viktimave që dyshohet se e kishte dhënë në spitalin regjional të Pejës e që kjo u evidentua edhe në një raport të një zyrtari policor i cili ishte aty.
“Shteti ka dështuar komplet, s’ka lidhje që ma vranë djalin, se unë kam me nxjerrë gjakun pa u bo sabahu se m'i kanë bo dy xhenaze,” përmendet se ka thënë familjari i viktimave gjatë kohës sa ishte në spital.
Jon Hoti pasi dyshohet se kreu krimin nuk ishte arrestuar në vendin e ngjarjes ndërsa pas disa orësh ai ishte dorëzuar te organet e rendit. Avokati i Jon Hotit, në seancën për caktimin e masës së sigurisë kishte thënë se shpreh ngushëllime për rastin që kishte ndodhur.
Ai madje nuk e kishte kundërshtuar masën e sigurisë, atë të paraburgimit që kishte kërkuar Prokuroria Themelore në Pejë. Edhe i pandehuri Jon Hoti në fjalën e tij kishte deklaruar se e mbështet fjalën e avokatit të tij që e përfaqësonte në seancën për caktimin e masës së sigurisë.
Prokuroria kishte propozuar edhe që të intervistohen persona të cilët janë të ndërlidhur me rastin në mënyrë që të zbardhet në detaje çka i parapriu vrasjes dhe cilat ishin mosmarrëveshjet mes viktimave dhe të dyshuarit.
