Izraeli dhe Libani kanë rënë dakord për zbatimin e një armëpushimi, njoftoi Departamenti Amerikan i Shtetit përmes një...
AKTUALITET
Vrasja e dyfishtë në Roskovec/ Arrestimi i autorit dhe dy djemve të tij, dyshohet për vrasje në bashkëpunim, Policia jep detajet
S.BPërditësimi i fundit 11 Shtator 2024, 12:28
ROSKOVEC- Policia ka zbardhur detaje të vrasjes së dyfishtë se cila ndodhi ditën e djeshme në Roskovec. Sipas njoftimit janë arrestuar autori Altin Kuka 49 vjeç, dhe dy djemtë e tij E. K 21 vjeç dhe E. K 18 vjeç, të cilët në bashkëpunim me njëri-tjetrin, kanë vrarë me automatik xhaxha e nip Lavdimir dhe Gramos Kurtaj.
Mendohet se shkaku i krimit ishte një grindje mes fëmijëve dy ditë më parë. Ndërkohë është arrestuar edhe T. Z 67 vjeç për veprën penale "Përkrahja e autorit të krimit".
Babai i Altin Kukës, Y. K 79 vjeç është proceduar penalisht për veprat penale "Mbajtja pa leje dhe prodhimi i armëve, armëve shpërthyese dhe i municionit", dhe "Prodhimi dhe mbajtja pa leje i armëve të gjuetisë dhe sportive". Ndërkoë pas kontrolleve u gjetën dhe sekuestruan 1 armë zjarri automatik, 1 armë zjarri pistoletë, 1 armë gjahu, 4 krehra, municion luftarak, 5 automjete dhe 1 motoçikletë.
Njoftimi i policisë:
Drejtoria Vendore e Policisë Fier
Në vijim të veprimeve të thelluara hetimore të kryera në drejtimin e Prokurorisë, për zbardhjen e rrethanave të ngjarjes së ndodhur ditën e djeshme, në Roskovec, ku u vranë me armë zjarri 2 shtetas, specialistët për Hetimin e Krimeve të Rënda të DVP Fier arrestuan në flagrancë shtetasit:
-A. K., 49 vjeç, E. K., 21 vjeç dhe E. K., 18 vjeç (babai dhe 2 djemtë e tij), të tre banues në Fier, pasi dyshohet se në bashkëpunim me njëri-tjetrin, kanë vrarë me armë zjarri automatik, shtetasit L. K., 46 vjeç, dhe G. K., 52 vjeç, për motive të dobëta;
-T. Z., 67 vjeç, banues në fshatin Çukalat, për veprën penale "Përkrahja e autorit të krimit", parashikuar nga neni 302 i K. Penal.
Gjithashtu, u refruan materialet në Prokurori ku nisi procedimi në gjendje të lirë për shkak të moshës, për shtetasin Y. K., 79 vjeç, banues në fshatin Kurjan (babai i shtetasit A. K.), për veprat penale "Mbajtja pa leje dhe prodhimi i armëve, armëve shpërthyese dhe i municionit", dhe "Prodhimi dhe mbajtja pa leje i armëve të gjuetisë dhe sportive", parashikuar nga nenet 278 dhe 280 i K. Penal.
Në cilësinë e provës materiale u sekuestruan 1 armë zjarri automatik, 1 armë zjarri pistoletë, 1 armë gjahu, 4 krehra, municion luftarak, 5 automjete dhe 1 motoçikletë.
Materialet procedurale i kaluan Prokurorisë, për veprime të mëtejshme.
