Zbardhen detaje rreth profilit të autori ttë ngjarjes në Maliq, që vrau një polic dhe plagosi një tjetër. Violand Bracellar...
AKTUALITET
Vrasja e efektivit, reagon Rama: Nderim përjetë Dëshmorit të Atdheut! Ndëshkim maksimal për të shumëkërkuarin
PiranjatPërditësimi i fundit 4 Qershor 2026, 09:47
Kryeministri Edi Rama ka reaguar pas ngjarjes së rëndë të ndodhur në Maliq, ku një efektiv i Policisë humbi jetën gjatë një operacioni për kapjen e një personi të shumëkërkuar.
Përmes një reagimi në X, Rama vlerësoi operacionin e forcave të rendit dhe shprehu ngushëllimet për familjen e efektivit të ndjerë. Më tej, kreu i qeverisë shprehu nderimet për efektivin e rënë në krye të detyrës.
“Nderim përjetë dëshmorit të atdheut, ngushëllime familjes dhe shërim të shpejtë efektivit tjetër”, u shpreh Rama.
Kryeministri kërkoi gjithashtu ndëshkim maksimal për autorin e dyshuar dhe vlerësoi punën e Policisë së Shtetit.
Reagimi i Ramës
Gjatë një operacioni kurajoz për kapjen e një të shumëkërkuari, që prej vitesh i fshihej ligjit në malet e Korçës dhe në mënyrë të përsëritur kishte arritur t’u ikte rrethimeve të forcave të rendit, ka humbur jetën një efektiv policie e është plagosur një i dytë, ndërkohë që pasi ka hapur zjarr ndaj tyre u plagos dhe u kap edhe krimineli!
Nderim përjetë dëshmorit të atdheut, ngushëllime familjes dhe shërim të shpejtë efektivit tjetër.
Ndëshkim maksimal për të shumëkërkuarin dhe respekt maksimal për Policinë e Shtetit, që nuk do të ndalet asnjëherë në misionin e saj.
