Një shpërthim me lëndë të dyshuar plasëse është regjistruar në orët e para të mëngjesit të so...
AKTUALITET
Vrasja e Martin Canit/ Mbahet sot seanca paraprake ndaj autorit Mario Përlleshaj, prindërit e 14-vjeçarit futen në Gjykatën e Tiranës
n.fPërditësimi i fundit 10 Mars 2025, 13:25
Prinderit e Martin Canit
TIRANË- Në Gjykatën e Tiranës do të mbahet seanca ndaj autorit të dyshuar të vrasjes së Martin Canit, Mario Përlleshaj. Në seancë janë të pranishëm edhe prindërit e Martin Canit, Engjell dhe Florina Cani të cilët janë fotografuar teksa futën në Gjykatë të kapur dorë për dore.
Gjykata e Apelit në Tiranë rrëzoi më 10 shkurt kërkesën e Përlleshajt për zëvendësim të masës së sigurisë "arrest në burg". Përlleshi ndodhet në qeli pasi akuzohet si autori i vrasjes së bashkëmoshatarit të tij 14-vjeçarit, Martin Cani pranë shkollës "Fan Noli" në kryeqytet. Përlleshi akuzohet për kryerjen e veprave penale “Vrasja me dashje e kryer ndaj të miturit” dhe “Prodhimi, mbajtja, blerja apo shitja pa leje e armëve të ftohta”. Ai mbahet te burgu i të miturve në Kavajë.
Martin Cani humbi jetën mesditën e 18 tetorit pasi u qëllua me thikë në bark nga bashkëmoshatari i tij, Mario Përlleshaj. Ngjarja e rëndë ka ndodhur pas një konflikti mes dy të miturve që ka degraduar në përdorimin e thikës. Mario Përlleshaj dyshohet se ka qenë në klasë paralele me viktimën, në shkollën 9-vjeçare 'Fan Noli'. Konflikti mes të miturve raportohet se ka nisur në oborrin e shkollës, ndërsa ka agravuar jashtë ambienteve të saj.
Autori ka nxjerrë thikën dhe ka qëlluar mbi 14-vjeçarin, Martin Cani. Pasi është goditur me thikë, Cani është afruar tek shkolla, ka ecur disa metra dhe pasi ka nisur të humbë gjak, është rrëzuar në trotuarin para shkollës. Si pasojë e plagëve të marra, Cani ka ndërruar jetë në spital. I plagosur nga ky sherr ka mbetur edhe shoku i ngushtë i viktimës, Luis Meçja i cili nuk mësonte në të njëjtën shkollë me to, po stërviteshin në të njëtin klub futbolli. I plagosur mbeti edhe vetë autori, i cili mori dëmtime në dorë dhe u trajtua në spital privat për disa ditë pas ngjarjes së rëndë.
