Nënkryetari i Partisë Demokratike, Nikola Kedhi, ka reaguar ndaj deklaratave të Kryeministrit Edi Rama për renditjen e Shqipërisë...
AKTUALITET
Vuan nga sëmundja "artriti reumatoid juvenil", gazetari Stafa denoncon rastin në QSUT: Vajza 10 vjeçe 25 ditë pa medikament! Kush mban përgjegjësi për këtë?
n.fPërditësimi i fundit 27 Shkurt 2025, 12:55
TIRANË- Gazetari Osmani Stafa në një postim në llogarinë e tij në "Facebook" ka publikuar një denoncim në lidhje me mungesën e medikamenteve në spitalet në vend. Stafa bën me dije se një vajzë 10-vjeçare e cila vuan nga sëmundja "artriti reumatoid juvenil" prej 25 ditësh është pa medikamente.
Gazetari thekson se vajza e mitur ka 25 ditë pa bërë një gjilpërë e cila duhet të merret me patjetër që të mos përkeqësohet gjendja e saj. Ai theksoi se sot kanë shkuar familjarët e vajzës në Farmacinë e QSUT, pasi atyre u kishin thënë se medikamenti do të vinte sot. Edhe ditën e sotme ky medikament nuk është gjetur duke shtuar edhe një ditë tjetër të vogëlushes pa mjekim.
Stafa thekson se gjilpëra duhet të merret çdo javë pra 4 herë në muaj ndërsa vajza ka 25 ditë pa trajtim. Gazetari ka pyetur se kush do të mbajë përgjegjësi, ministrja Koçiu apo shëndetësia falas e kryeministrit.
Ai ka shpeguar edhe sëmundjen që vuan vajza e mitur. Artriti juvenil (JA) është artrit që ndodh tek fëmijët. Shkakton enjtje të kyçeve, dhimbje, ngurtësi dhe humbje të lëvizjes. Mund të prekë çdo nyje, por është më e zakonshme në gjunjë, duar dhe këmbë. Në disa raste mund të prekë edhe organet e brendshme.
VAJZA 10-VJEÇE 25 DITË PA MEDIKAMENT! I.H, është një vajzë 10-vjeçe. Ajo vuan nga "artriti reumatoid juvenil". Çfarë është kjo sëmundje? Artriti juvenil (JA) është artrit që ndodh tek fëmijët. Shkakton enjtje të kyçeve, dhimbje, ngurtësi dhe humbje të lëvizjes. Mund të prekë çdo nyje, por është më e zakonshme në gjunjë, duar dhe këmbë. Në disa raste mund të prekë edhe organet e brendshme.
Dhe kjo vajzë 10 vjeçe, ka 25 ditë, thonë prindërit, pa bërë një gjilpërë, që duhet ta marrë me patjetër, që mos përkeqësohet. Sot kanë shkuar familjarët e vajzës në Farmacinë e QSUT, pasi u kishin thënë se sot do të vinte. Atje u kishin thënë që jo, nuk është as sot. Ajo gjilpërë duhet të merret çdo javë. Pra të enjten e çdo jave. 4 herë në muaj. Ndërkohë vajza ka 25 ditë pa trajtim.
Gati 1 muaj. Kush mban përgjegjësi për këtë? A mbani përgjegjësi Ministrja e Shëndetësisë Albana Koçiu? A kjo është shëndetësia falas, Kryeministër Edi Rama? A keni mëshirë për fëmijët? A e dini se çfarë mund t'i ndodhë kësaj vajze apo edhe fëmijëve të tjerë që nuk e marr këtë ilaç? A kështu duhet të bëhet çdo gjë? Duhet të denoncohet mungesa, pa të sigurohet?
