Detaje të reja janë mësuar në lidhje me ngjarjen në Roskovec, ku Besmir Mustaj ka qëlluar me armë zjarri në portë...
AKTUALITET
Eglant Koçi dyshohet se u vra/ “Armandi më kërkoi të fikja dritat”, zbardhet dëshmia e kamerierit. Kamerat tregojnë momentin kur Shakaj fut trupin e mikut në makinë
PiranjatPërditësimi i fundit 10 Qershor 2026, 13:36
“Armand Shakaj, më kërkoi të fikja dritat. Më tha se do të nxirrte një frigorifer. Nuk kam asnjë dijeni për fatin e Eglant Koçit. E njoh, sepse punoj si kamerier në lokalin e Artmandit”. Kështu e nisi rrëfimin e tij në gjykatën e Tiranës, Enea Zyferin, ndaj të cilit u caktua masa e arrestit me burg për akuzën e përkrahjes së autorit të krimit, lidhur me zhdukjen e 34-vjeçarit Koçi më 4 qershor në Tiranë.
I dyshuari Zyferi ka pretenduar më tej se e ka parë Koçin kur ka hyrë në ambientin e punës së Shakajt, por nuk ka dijeni të mëtejshme për fatin e tij. Gjatë dëshmisë në gjykatë, Zyferi u shpreh gjithashtu se Shakaj i kërkoi të çonte makinën në lavazh për ta larë dhe ai e dërgoi diku në fund të bulevardit të ri.
Pavarësisht se ka mohuar dijeni për ngjarjen e rëndë, ku Eglant Koçi u mbajt peng dhe dyshohet të jetë vrarë, Zuyferi u la në qeli.
Nga hetimet e deritanishme, dyshohet se Shakaj i kërkoi Koçit që të shkonte ta takonte te ambienti në afërsi të shkollës “Ismail Qemali” përballë drejtorisë së Policisë së Shtetit. Aty dyshohet se ai e ka vrarë dhe për të nxjerrë trupin i ka kërkuar kamerierit të fike dritat, me pretendimin se do të nxirrte një frigorifer. pavarësisht se është hequr energjia, kamerat e kanë fokusuar teksa vendos trupin e Koçit në makinë dhe dyshohet ta ketë zhdukur në një zonë te thellë të Librazhdit.
Ndërsa, ka tentuar të fshehë çdo gjurmë, pasi motorin e mikut të tij e ka dërguar në zonën e 5 majit, mesa duket për të shpërqendruar policinë, ndërsa ka pastruar ambientin e punës si dhe ka urdhëruar kamerierin të lajë makinën.
Policia dyshon se Englant Koçi është vrarë pasi gjurmë gjaku janë gjetur si në ambientin ku është mbajtur peng, ashtu dhe në makinë. Shakaj është shpallur tashmë në kërkim për mbajtjen peng dhe vrasjen e mikut të tij 34-vjecar. Motivi i krimit dyshohet të jenë përplasjet për portofolat e kriptomonedhave.
