Vendi ynë do të vijojë të jetë nën ndikimin e masave ajrore të paqëndrueshme edhe ditën e enjte, duke sjellë...
AKTUALITET
Zhdukja e Jan Prengës/ Flet për herë të parë Dritan Rexhepi, mohon njohjen me Gentian Funiqin: Nuk e kam parë ndonjëherë në jetën time!
b.zPërditësimi i fundit 13 Shkurt 2025, 16:32
Dritan Rexhepi
TIRANË - Dritan (Gramoz) Rexhepi, i njohur ndryshe si “mbreti” i kokainës, ka dhënë deklaratën e tij lidhur me rrëmbimin dhe zhdukjen e Jan Prengës, në seancën gjyqësore që po mbahet këtë të enjte në GjKKO.
Mësohet se Rexhepi në deklaratën e tij ka mohuar çdo lidhje me Gentian Funiqin, një nga të akuzuarit në këtë çështje. Ai ka thënë se nuk e njeh dhe nuk e ka parë ndonjëherë në jetën e tij Funiqin dhe këtë sipas tij do ta faktojë me prova në vijim
“Në burgun e Pratos kam qenë në siguri të lartë pasi kisha apelin në Firence dhe më mbajtën 10 ditë. Nuk e njoh dhe nuk e kam parë ndonjëherë në jetën time Gentian Funiqin. Do ta faktoj këtë me prova në vijim,” ka deklaruar ai.
Jan Prenga u rrëmbye në 17 janar 2020 dhe ende nuk ka asnjë gjurmë nga trupi i tij. Sipas Policisë autorët e rrëmbimit janë familja Hajri në Shijak dhe grupi i Dukagjinit në Shkodër. Në krye të dy grupeve dyshohet se është Gramoz Rexhepi i cili ka qenë porositësi i rrëmbimit për një sasi prej 260 kilogram kokainë që u vodh nga Astrit Prenga, Gëzim Shullani, Xhuliano nga Shkodra dhe një rumun në portin e Smuthit në Angli. Droga doli nga porti, dhe u nda mes të katërtve dhe pas disa ditësh grupet nisën të kërkonin kokainën. Gentian Doçi telefonoi Astritin dhe Gëzimin, ndërsa Gramoz Rexhepi, vëllain e Prengajve, Ndrekën i cili ndodhej në burg.
