Banorët e Rrugës Ali Asllani, në zonën Kodër Kamëz (Njësia Bashkiake 11), kanë denoncuar pranë redaksisë s&e...
AKTUALITET
Zjarret në Shqipëri/ 45 vatra në 24 orë, 12 vijojnë aktive, mbi 800 forca në terren
PiranjatPërditësimi i fundit 13 Gusht 2026, 09:40
Gjatë 24 orëve të fundit janë raportuar 45 vatra zjarri në të gjithë vendin, ndërsa 12 prej tyre vijojnë të jenë aktive dhe një tjetër është në monitorim.
Në operacionet për përballimin e situatës janë angazhuar 72 automjete zjarrfikëse dhe 839 forca operacionale. Në mbështetje të tyre janë përfshirë edhe 250 efektivë të Forcave të Armatosura, 5 helikopterë dhe 2 avionë “Air Tractor”.
Aktualisht, në terren vijojnë operacionet me 167 efektivë të Forcave të Armatosura, 3 helikopterë dhe 2 avionë “Air Tractor”, ndërsa ndërhyrjet po kryhen nga toka dhe ajri.
Operacionet janë përqendruar në Dajt, Priskë të Madhe, Patos–Mallakastër, Krujë, Përmet, Gurë-Lurë, Devoll, Mirditë dhe Vau të Dejës.
Prioriteti i strukturave të emergjencave mbetet mbrojtja e jetës së qytetarëve dhe banesave, si dhe izolimi dhe shuarja e vatrave aktive.
Nga të dhënat e deritanishme rezultojnë rreth 418 hektarë sipërfaqe të djegur dhe 250 rrënjë ullinj të dëmtuara.
Autoriteti Kombëtar për Mbrojtjen Civile dhe strukturat e Mbrojtjes Civile vijojnë monitorimin dhe koordinimin e operacioneve në të gjitha zonat e prekura nga zjarret.
