Në ceremoninë përkujtimore të 80-vjetorit të Kryengritjes së Postribës, deputeti i PD-së, Bardh Spahia, vlerësoi ...
BOTA
Prostitucion, drogë dhe armë/ Çmontohet organizata kriminale italo-shqiptare në Romë, arrestohen 7 persona
PiranjatPërditësimi i fundit 29 Maj 2026, 17:31
Autoritetet italiane kanë zhvilluar një operacion të gjerë në lagjet Magliana dhe Trullo të Romës, ku goditën një organizatë kriminale të përfshirë në trafik ndërkombëtar droge, armëmbajtje dhe shfrytëzim prostitucioni.
Sipas mediave italiane, grupi kishte lidhje direkte me kartele shqiptare, të cilat veprojnë në veri të Italisë dhe bashkëpunonte me rrjete të fuqishme kriminale për furnizimin me kokainë nga Amerika Latine drejt Italisë.
Operacioni nxori në pah një nivel ekstrem brutaliteti kriminal dhe ngjarje me rrezikshmëri të lartë shoqërore, ndërsa organizata menaxhonte qindra kilogramë drogë. Hetimet zbuluan se organizata përdorte armë lufte dhe organizonte ekspedita ndëshkuese ndaj personave që nuk paguanin borxhet.
Gjatë operacionit u sekuestruan armë të shumta, drogë, para cash dhe sende luksi. Në kuadër të kësaj janë arrestuar shtatë persona, ndërsa akuzohen për përfshirje në organizatë kriminale, trafik droge, zhvatje dhe shfrytëzim prostitucioni.
Artikull i plotë nga ROMA TODAY
Blic në agim në lagjet Magliana dhe Trullo të Romës. Në shënjestër të hetuesve ishte një organizatë kriminale që vepronte në zonën jugperëndimore të kryeqytetit italian, e drejtuar nga dy persona me precedentë penalë romanë, Sergio Gioacchini dhe Roberto Caputo.
Hetimet e Karabinierëve dhe Prokurorisë Antimafia zbuluan lidhje të nivelit shumë të lartë të grupit kriminal, i cili ishte në gjendje të negocionte ngarkesa të mëdha droge duke pasur kontakte direkte me furnitorë në Amerikën e Jugut për import ajror, me kartele të fuqishme shqiptarë që veprojnë në veri të Italisë, si dhe me figura kryesore të krimit të organizuar roman dhe klaneve kalabreze.
Brutalitet kriminal
Masa e arrestit lindi nga një hetim kompleks që, falë analizës së bisedave të koduara dhe përgjimeve telefonike e ambientale, bëri të mundur çmontimin e organizatës së drejtuar nga Roberto Caputo dhe Sergio Gioacchini, ky i fundit vëllai i Andrea Gioacchini-t, i vrarë me armë zjarri më 10 janar 2019 në Magliana.
Operacioni nxori në pah një nivel ekstrem brutaliteti kriminal dhe ngjarje me rrezikshmëri të lartë shoqërore.
Trafik droge
Organizata menaxhonte qindra kilogramë drogë. Në një rast të dokumentuar, grupi kishte në posedim 500 kilogramë hashash dhe furnizime të mëdha me kokainë shumë të pastër, me vlerë qindra mijëra euro, pjesërisht të zbuluara dhe sekuestruara në ambiente pallatesh të përdorura si magazina.
Ekspedita ndëshkuese
Grupi përdorte edhe “ekspedita ndëshkuese”. Për të rikuperuar një borxh prej 20 mijë eurosh të lidhur me trafikun e drogës dhe blerjen e makinave, drejtuesit urdhëruan rrahjen brutale të një bashkëpunëtori të tyre që nuk kishte paguar. Viktima, e sulmuar barbarisht nga dy ekzekutorë, pësoi plagë të rënda në fytyrë dhe shpim të mushkërisë.
