Gazetari dhe kreu i PD-së në Krujë, Aulon Kalaja, denoncoi në emisionin “Kafe Shqeto” në SYRI TV vështirësit&eu...
BOTA
491 ditë në front, ushtari ukrainas amputoi vetë këmbën për të mbijetuar dhe u shpëtua me dron
PiranjatPërditësimi i fundit 21 Tetor 2026, 09:21
Një ushtar ukrainas 49-vjeçar ka mbijetuar për 491 ditë në një nga zonat më të rrezikshme të frontit, përpara se të evakuohej me një dron të modifikuar posaçërisht. Kostyantyn Vlasenko, pjesëtar i Brigadës së 30-të të Mekanizuar, rrëfeu se gjatë kësaj periudhe u detyrua të amputonte vetë një pjesë të këmbës për të mbetur gjallë.
Sipas Daily Mail, e cila përcjell dëshminë e tij për gazetarin ukrainas Yuri Butusov, Vlasenko u vendos në një pozicion të përparmë në rajonin e Kharkivit më 2 qershor 2025. Ai dhe një bashkëluftëtar strehoheshin në një tub kullimi prej betoni, ndërsa prania e vazhdueshme e dronëve rusë pengonte zëvendësimin e tyre. Pasi strehimi u përmbyt, dy ushtarët u zhvendosën në një shkollë të braktisur, ku u përballën me sulme të tjera. Bashkëluftëtari i tij humbi jetën, ndërsa Vlasenko mbeti i plagosur në të dyja këmbët.
Për muaj me radhë, ai mbijetoi mes rrënojave, duke përdorur si strehë një sobë të vjetër prej gize. Ushqimet, uji dhe ilaçet i mbërrinin me dronë ukrainas, ndërsa përmes radios vijonte t’u raportonte eprorëve lëvizjet e forcave ruse.
Yesterday, we all saw the video of Kostiantyn Vlasenko, a Ukrainian Defender from the 30th Brigade, being evacuated by drone from a position on the left bank of the Oskil River in the Kupiansk sector, Kharkiv region.
I was deeply impacted by the video and his interview.
After being seriously wounded in February, Kostiantyn lost one leg. Several months later, when gangrene set in, he had to amputate his other leg himself. Throughout all of this, he continued to hold the position alone.
Several attempts to evacuate him by land had failed, so different units of Ukraine’s Defense Forces came together to rescue Kostiantyn.
Sipas rrëfimit të tij, plagët dhe ngrirja i shkaktuan dëmtime të rënda në këmbë. Përkeqësimi i gjendjes e detyroi të amputonte vetë një pjesë të njërës prej tyre. Mendimi për vajzën dhe komunikimet me shokët e ushtrisë e ndihmuan të përballonte izolimin.
Shpëtimi erdhi përmes një operacioni me një dron të rëndë të kompanisë ukrainase Gurzuf Defense. Pasi mori një telefon me video udhëzuese, Vlasenko arriti të fiksohej në mekanizmin e transportit. Sipas raportimit, droni e transportoi për rreth 18 kilometra drejt sigurisë.
Njësitë ukrainase të përfshira e kanë përshkruar operacionin si evakuimin e parë ajror me dron të një ushtari të plagosur drejtpërdrejt nga një pozicion aktiv luftimi.
Vlasenko ndodhet tashmë në spital, ku po merr trajtim. “Nuk kam fjalë. Një mrekulli. Është vërtet një mrekulli”, tha ai, duke falënderuar të gjithë ata që e furnizuan dhe organizuan shpëtimin e tij.
