Disa prej emrave më të fuqishëm të teknologjisë amerikane do të jenë të pranishëm javën e ardhshme n&e...
BOTA
Adoleshentja e fiksuar pas nazistëve para sulmit me sëpatë: Jam 'mishërim i ferrit'
PiranjatPërditësimi i fundit 23 Mars 2026, 19:28
Një adoleshente e obsesionuar me nazizmin, e cila sulmoi një të panjohur me sëpatë për motive të ekstremit të djathtë, është deklaruar fajtore për tentativë vrasjeje. Alina Burns, atëherë 18 vjeç, sulmoi Mohammed Mahmoodi, një kurd iranian, jashtë një berberhaneje në Bedminster më 2 gusht të vitit të kaluar, ndërsa ai po fliste me një mik.
Pamjet nga kamerat e sigurisë brenda dyqanit treguan 27-vjeçarin duke u ulur në momentin e fundit, ndërsa ajo përplaste sëpatën drejt qafës së tij. Adoleshentja më pas tentoi ta godiste përsëri Mahmoodin, para se ai të arrinte ta çarmatosë, duke shpëtuar me vetëm gërvishtje të dhimbshme në qafë dhe faqe.
Ajo u ndalua më pas nga policia, e cila po patrullonte afër. Tek ajo u gjet një skalpel dhe disa shigjeta. Burns bëri me kokë kur oficeri që e arrestoi e pyeti nëse kishte goditur me sëpatë burrin. Kur ai e pyeti pse, ajo tha: “Doja t’i pres qafën.” Më vonë, policia zbuloi një email që ajo kishte dërguar një bashkëpunëtori, ku shkruante: “Vrisni të gjithë hebrenjtë dhe myslimanët në Britani, ju lutem.” Burns, e cila kishte varur një flamur të Anglisë mbi shtratin e saj, ishte anëtare e Alternativës Patriotike, një grup i ekstremit të djathtë.
Serena Gates KC tha në Gjykatën e Kurorës së Bristolit se Burns kishte “një dëshirë për një Angli të bardhë, të arritur, nëse është e nevojshme, përmes terrorit”.
Policia gjeti mesazhe ku Burns deklaronte se ajo “kuptova rolin tim në ekzistencë: unë jam mishërimi i ferrit, e destinuar të shkatërroj gjithçka të shenjtë që dëshmoj”, shkruan SkyNews.
Në një tjetër mesazh, ajo i referohej kryerjes së një “plani” dhe tha se donte “të gjithë lavdinë dhe nderin”.
Një ekzaminim i ditarit dhe fletoreve të saj zbuloi shënime rreth Gjermanisë, Adolf Hitlerit dhe armëve të përdorura nga gjermanët gjatë Luftës së Parë dhe të Dytë Botërore.
Më 30 korrik, ajo kërkoi në Google “sa lekë blen një sëpatë në MB”. Ajo gjithashtu kërkoi “si të përdoret saktë një sëpatë për vetëmbrojtje” para sulmit.
Më 31 korrik, ajo kërkoi online video në YouTube, përfshirë një për Patrick Crusius, i cili vrau 23 persona gjatë një sulmi masiv në një supermarket Walmart në SHBA.
Gjithashtu kishte kërkime për disa video grafike të dhunës, përfshirë një video ku një burrë theret për vdekje në qafë, si dhe kërkime për përdorimin e shigjetave si armë.
Një email i dërguar vetes një ditë para sulmit kishte titull “Agimi i luftës civile”. Në email, ajo shkruante: “Toka rikuperohet përmes terrorit.” Ajo shtonte se ishte “më mirë nëse ata ikin nga frika, sesa të na zhvendosin në shtëpinë tonë”. /PiranjatNews/
