Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
Apeli urgjent i Bidenit: Duhet të shmanget një luftë në Lindjen e Mesme
n.fPërditësimi i fundit 29 Shtator 2024, 22:50
Biden
SHBA- Presidenti amerikan, Joe Biden tha sonte se do të bisedojë me kryeministrin izraelit Benjamin Netanyahu, por nuk specifikoi se kur do të ndodhë kjo.
"Unë do t'ju them atë që do t'i them kur të flas me të," u tha ai gazetarëve. Kur u pyet nëse është e mundur të shmanget një luftë e gjithanshme në Lindjen e Mesme, ai u përgjigj: “Duhet. Ne me të vërtetë duhet ta shmangim atë”.
Sekretari amerikan i Mbrojtjes, Lloyd Austin ka autorizuar ushtrinë të rrisë praninë e saj në Lindjen e Mesme me aftësi "mbrojtëse" të mbështetjes ajrore dhe të vendosë forcat e tjera në gatishmëri të shtuar, njoftoi sot Pentagoni.
"(Austin) rriti gatishmërinë e forcave shtesë amerikane për t'u vendosur, duke rritur gatishmërinë tonë për t'iu përgjigjur një sërë situatash të paparashikuara," tha në një deklaratë zëdhënësi i Pentagonit, gjenerallejtënant Patrick Ryder. Njoftimi nuk detajonte se çfarë lloj avionësh të rinj mund të vendosen në rajon.
“Sekretari i Mbrojtjes Austin e ka bërë të qartë se nëse Irani, partnerët e tij ose përfaqësuesit e tij e përdorin këtë moment për të synuar personelin ose interesat amerikane në rajon, Shtetet e Bashkuara do të ndërmarrin çdo veprim të nevojshëm për të mbrojtur popullin tonë”, shtoi Ryder.
