Për të 19-tën ditë radhazi mijëra qytetarë do të zbresin në sheshe dhe rrugë, duke protestuar ndaj qeverisë ...
BOTA
Arkitekti me jetë të fshehtë si vrasës serial i grave. Si u zbuluan krimet nga një copë pice
PiranjatPërditësimi i fundit 17 Qershor 2026, 22:24
Një arkitekt nga Long Island, i cili jetonte një jetë të fshehtë si vrasësi serial i plazhit Gilgo në Nju Jork, është dënuar me burgim të përjetshëm pa të drejtë lirimi me kusht. Rex Heuermann doli para një gjykatësi në Riverhead të mërkurën, pasi pranoi në gjykatë se kishte vrarë tetë gra. Ai hyri në sallën e gjyqit në Nju Jork i veshur me një kostum të zi, një këmishë blu dhe një kravatë me ngjyrë të çelët.
Rex Heuermann, 62 vjeç, nga Massapequa Park, pranoi fajësinë në prill për akuzat se kishte vrarë shtatë gra: Megan Waterman, Melissa Barthelemy, Amber Lynn Costello, Maureen Brainard-Barnes, Valerie Mack, Jessica Taylor dhe Sandra Costilla. Edhe pse nuk ishte akuzuar kurrë zyrtarisht për vdekjen e saj, ai gjithashtu pranoi në gjykatë se kishte vrarë një viktimë të tetë, Karen Vergata. Para se të jepej dënimi, Jasmine Robinson, kushërira e viktimës Jessica Taylor, iu drejtua vrasësit duke thënë: “Ti më mbush me aq shumë neveri, sa nuk të duroj dot.”
Heuermann qëndronte ulur me duart e mbledhura dhe të mbështetura mbi tavolinë në një sallë gjyqi në lindje të Long Island-it, duke parë drejt përpara dhe duke trokitur lehtë gishtat. “Një milion vjet nuk do të mjaftonin,” tha zonja Robinson.
“Asgjë nuk do ta rregullojë kurrë këtë padrejtësi.” Amanda Funderburg, motra e Melissa Barthelemy-t, i kërkoi Heuermann-it ta shikonte ndërsa ajo fliste. Ai hodhi një vështrim në drejtimin e saj, por sytë i mbajti paksa të ulur.
“Shpresoj të vuash,” tha zonja Funderburg, e cila kujtoi se kishte marrë një telefonatë tallëse prej tij disa ditë pasi Barthelemy u zhduk, kur ajo ishte vetëm 15 vjeçe.
Policia përputh ADN-në nga koreja e picës
Heuermann tha se i mbyti viktimat e tij, shumë prej të cilave punonjëse seksi, dhe ua copëtoi disa prej trupave. Shumica e grave u zhdukën midis viteve 2000 dhe 2010, dhe shumica e mbetjeve të tyre u gjetën në një parking të shkretë jo shumë larg plazhit Gilgo të Long Island, rreth 50 milje nga Nju Jorku.
Rasti mori vëmendje të gjerë në vitin 2010, kur hetuesit filluan të gjenin mbetje përgjatë Ocean Parkway, ndërsa hetonin zhdukjen e një tjetër punonjëseje seksi - vdekja e së cilës u cilësua përfundimisht si mbytje aksidentale. Ndërsa kërkimi për vrasësen e grave të tjera u ndal për vite me radhë, një hetim i ripërtërirë e identifikoi Heuermann si një të dyshuar të mundshëm në vitin 2022.
Detektivët e lidhën atë me një kamionçinë që një dëshmitar raportoi se e kishte parë kur një nga viktimat u zhduk në vitin 2010. Policia arriti gjithashtu të përputhë ADN-në nga një brumë pice që ai e hodhi në një kosh në Nju Jork me materialin gjenetik të nxjerrë nga fragmente flokësh shumë të degraduara që u gjetën në mbetjet e gruas. /PiranjatNews/
