Një zë i rëndësishëm në Kongresin e Shteteve të Bashkuara të Amerikës, republikania Alexandria Ocasio Cortez ka rea...
BOTA
Armëpushimi/ Hamasi liron tre pengje të tjera izraelite
M.B.Përditësimi i fundit 8 Shkurt 2025, 16:08
LINDJE E MESME- Hamasi liroi tre pengje të tjerë izraelitë të shtunën, si pjesë e një marrëveshjeje të brishtë armëpushimi, ndërsa Presidenti amerikan Donald Trump vazhdon të flasë mbi planin e tij për të marrë Rripin e Gazës. Ky është shkëmbimi i pestë që nga hyrja në fuqi e marrëveshjes së armëpushimit mes Izraelit dhe Hamasit, muajin e kaluar.
52-vjeçari Eli Sharabi dhe 56 vjeçari Ohad Ben Ami u morën peng nga bashkësia Beeri, një fermë komunale, ndërsa Or Levy, 34 vjeç, u rrëmbye nga festivali i muzikës “Nova” gjatë sulmit të Hamasi në Izraelin jugor më 7 tetor 2023. Nga ana e tij, Izraeli do të lirojë 183 të burgosur palestinezë të shtunën.
Gjatë fazës së parë të armëpushimit, që do të zgjasë gjashtë javë, Hamasi do të lirojë 33 pengje izraelite në këmbim të qindra të burgosurve palestinezë. Deri më tani, 13 pengje izraelite dhe pesë punëtorë tajlandezë të rrëmbyer gjatë sulmit të Hamasit janë liruar në këmbim të rreth 600 të burgosurve kryesisht palestinezë, që janë liruar nga autoritetet izraelite.
Shkëmbimi i të shtunës pason propozimin e Presidetit Trump për të larguar nga Gaza banorët e saj palestinezë dhe që Shtetet e Bashkuara të marrin pronësinë e territorit. Zoti Trump u tha gazetarëve të premten në Shtëpinë e Bardhë përpara një takimi me kryeministrin japonez Shigeru Ishiba, se plani i tij duhet të shihet si një transaksion i pasurive të paluajtshme, por nuk ofroi një afat kohor për planin, duke thënë se "nuk kemi nevojë për nxitim"./ VOA
