Kreu i grupit të PS-së, Taulant Balla, gjatë një prononcimi për gazetarët pas mbledhjes së Kuvendit ka folur për protest...
BOTA
Armëpushimi Ukrainë-Rusi/ Kancelari gjerman mbështet propozimin e Trump: 'Topi' është në fushën e Moskës!
m.lPërditësimi i fundit 9 Maj 2025, 14:30
FRANCË- "Topi është në fushën e Moskës", tha sot nga Brukseli kancelari i ri gjerman Friedrich Merz, duke vënë në dukje se BE mbështet propozimin e Presidentit të SHBA-së Donald Trump për një armëpushim 30-ditor midis Rusisë dhe Ukrainës.
Në dy konferenca për shtyp, të cilat i dha sot në Bruksel pas takimeve me Presidentin e Këshillit Evropian Antonio Costa dhe më pas me Presidenten e Komisionit Ursula von der Leyen , Friedrich Merz iu referua luftës në Ukrainë.
“Jam mirënjohës që shumica e shteteve dhe qeverive në BE bien dakord që ne duhet të qëndrojmë pranë Ukrainës dhe do të vazhdojmë ta mbështesim atë dhe luftën e saj kundër luftës së agresionit rus”, tha ai.
Merz tha se dje, të enjten, në mbrëmje pati një bisedë të gjatë telefonike me Presidentin Trump, gjatë së cilës diskutuan për Ukrainën dhe marrëdhëniet tregtare, dhe se Presidenti i SHBA-së e ftoi atë në Uashington, në Shtëpinë e Bardhë.
Lidhur me Ukrainën, Merz tha se BE mbështet iniciativën e Presidentit Trump për një armëpushim 30-ditor.
“Ky do të jetë një provë se sa seriozisht e merr Putini një marrëveshje të tillë”, tha ai, duke shtuar se në periudhën e ardhshme “do të shohim nëse është e mundur ta shndërrojmë një armëpushim të mundshëm në negociata të vërteta paqeje”.
Ai vazhdoi duke thënë se BE-ja dhe SHBA-ja mbështesin Ukrainën dhe “tani topi është në fushën e Moskës” dhe se “Rusia është ajo që duhet të tregojë se e merr seriozisht paqen në Ukrainë”.
Merz tha gjithashtu se si BE-ja ashtu edhe SHBA-ja janë të gatshme të rrisin presionin për sanksione ndaj Moskës nëse ajo nuk i merr seriozisht bisedimet e paqes.
"Ne i bëjmë thirrje Rusisë që më në fund të fillojë rrugën drejt negociatave të vërteta për paqe. Nëse kjo nuk ndodh, ne nuk do të hezitojmë, së bashku me partnerët tanë evropianë dhe SHBA-në, të rrisim presionin për sanksione", tha Merz.
