Qendra Kombëtare e Biznesit ka anuluar vendimin për regjistrimin e shitjes së 47 për qind të aksioneve në Aeroportin e Vlorë...
BOTA
Bastisja në burgun e Domokos, zbulohen emrat e shqiptarëve që i’u gjetën sende të paligjshme
PiranjatPërditësimi i fundit 25 February 2026, 16:03
GREQI- Policia greke ka zhvilluar një operacion në burgun e Domokos. Nga kontrolli i bërë nga policia greke janë gjetur dhe sekuestruar mjete prerëse dhe celularë. Ato u përkisnin dy të dënuarve shqiptar në Greqi.
Bëhet fjalë për Alket Rizajin dhe kriminelin me nofkën "Sandri", organizatori kryesor i transportit të 1,2 ton kokainë në Astakos të Aitoloakarnania nga Karaibet, në janar të vitit 2020. Bëhet me dije se të proceduarit penalisht janë të burgosurit Dashamir Cobo, 56 vjeç nga Vlora, Andon Dvorani 61 vjeç nga Korça, Nikoll Nikolli alias Anton Gjoka 48 vjeç, Enton Ceku 55 vjeç nga Tirana, Gentian Isufi 49 vjeç nga Memaliaj, Andi Selim 44 vjeç, Alban Xhebexhiu alias Franko Sharka 35 vjeç si dhe një sirian e një rumun.
Mediat greke shkruajnë se punonjësit e policisë greke gjetën celularë, karikues dhe thika, pavarësisht se vetëm pak 24 orë më parë, kishin hyrë sërish në të njëjtat burgje, duke kryer kontrolle në 17 qeli në atë kohë.
Gjatë kontrolleve, ndër të tjera, u gjetën dhe u sekuestruan: 14 thika të improvizuara, 5 shkopinj të bërë në shtëpi, teh metalik 18 centimetra i gjatë, copë metali e gjatë dhe e ngushtë 23 centimetra e gjatë, këllëf i improvizuar për thikë, i bërë nga letër, pëlhurë dhe celefon, 22 centimetra i gjatë, një majë metalike në formë shtize 7 centimetra e gjatë, thikë e improvizuar, 6 pajisje telefonike celulare me 6 karta SIM dhe 4 karikues për telefona celularë.
