Për të kuptuar plotësisht çështjet që lidhen me mobilizimin e njerëzve kundër projektit megaloman të kompleksit...
BOTA
BBC i kërkon falje Trump-it për redaktimin e fjalimit për ngjarjen e 6 janarit 2021
PiranjatPërditësimi i fundit 10 Nëntor 2025, 14:39
BBC publikoi sot një letër zyrtare ku kërkon falje për editimin e një fjalimi të Donald Trump në emisionin “Panorama”, një rast që ka shkaktuar zemërim të madh në Britani.
Në letrën drejtuar Komisionit Parlamentar për Kulturë, Media dhe Sport, kryetari i BBC-së Samir Shah pranoi se “do të kishte qenë më mirë të ishin marrë masa më zyrtare” pas zbulimit të montazhit të fjalimit të Trump-it të 6 janarit 2021.
Montazhi i bërë nga BBC-ja bashkoi copëza të fjalimit të Trump-it në mënyrë të tillë që të dukej sikur ai u kishte thënë mbështetësve se do të “ecë bashkë me ta drejt Kapitolit për të luftuar si i çmendur”, një përshtypje që sugjeronte thirrje direkte për dhunë.
Ky editim u zbulua përmes një shënimi zyrtar të rrjedhur nga Michael Prescott, ish-gazetar dhe këshilltar i pavarur i Këshillit të Standardeve Editoriale të BBC-së. Tim Davie, drejtor i përgjithshëm i BBC-së, dhe Deborah Turness, drejtoreshë e BBC News, dhanë dorëheqjen.
Trump i quajti ata në Truth Social si “njerëz jashtëzakonisht të pandershëm që u përpoqën të ndikojnë në zgjedhjet presidenciale”.
“Që nga publikimi i shënimit zyrtar të Prescott-it, kemi marrë mbi 500 ankesa. Çështja po trajtohet sipas procedurave standarde,”, tha Shah.
“Përfundimi ynë është se montazhi dha përshtypjen e një thirrjeje të drejtpërdrejtë për dhunë. BBC kërkon ndjesë për këtë gabim gjykimi.”
BBC pranoi gabimin dhe premtoi përmirësim të proceseve editoriale. Hetimi i brendshëm vazhdon, por skandali ka ngritur pyetje të mëdha për besueshmërinë dhe neutralitetin e mediave publike britanike.
