Inspektorati i Lartë i Deklarimit dhe Kontrollit të Pasurive dhe Konfliktit të Interesit (ILDKPKI) raporton se gjatë vitit 2025 ka vijuar ...
BOTA
"Beogradi po pengon krijimin e qeverisë së re"/ Kurti mbledh Këshillin e Sigurisë Kombëtare: Serbia kërcënon dhe shantazhon deputetët e minoritetit
m.lPërditësimi i fundit 6 Prill 2025, 17:35
KOSOVË- Kryeministri i Kosovës, Albin Kurti ka në dispozicion më pak se një javë kohë për të krijuar qeverinë e re dhe ka zkuzuar beogradin për pengesat që po has gjatë rrugës. Zyra e tij me anë të një komunikate, pretendojnë se Serbia po kërcënon dhe shantazhon deputetët e minoritetit që ta sabotojë themelimin e institucioneve të reja të legjislaturës së nëntë dhe e thirri një mbledhje të Këshillit të Sigurisë.
“U raportua dhe diskutua për gjendjen e përgjithshme të sigurisë me theks te planet destabilizuese dhe ndërhyrjet kriminale të Serbisë. Më 1 prill pas mesnate u sulmua me dy granata dore zyra e Postës së Kosovës në Zveçan, nga të cilat njëra shpërtheu. Zyra e Postës në Zveçan është riparuar plotësisht dhe tani vijon normalisht dhënia e shërbimeve publike atje. Kur kësaj i shtojmë edhe arrestimin e mbrëmshëm të katër ‘pelegrinëve’ serbë në Gjakovë, nga të cilët njëri ishte toger i policisë së Serbisë e tjetri kapiten i ushtrisë së Serbisë, dhe krejt çfarë u është konfiskuar atyre, kërkohet që të gjitha institucionet dhe mekanizmat e shtetit ta mbajnë lart vëmendjen dhe gatishmërinë.
Përveç ndërhyrjeve të Serbisë në fushatën zgjedhore dhe në zgjedhjet parlamentare në Kosovë të 9 shkurtit 2025, përmes Listës Serbe dhe kryeterroristit Millan Radoiçiç si kryetar ‘de facto’ i saj. Serbia tani po ndërhyn te disa prej deputetëve të komuniteteve joshumicë e joserbë, që ta sabotojë themelimin e institucioneve të reja të legjislaturës së nëntë.
Me kërcënime e joshje, dhe sidomos me shantazhe, ajo po orvatet të nxis tensione ndëretnike e ndërpartiake në Kosovë dhe ta destabilizojë Kosovën. Kjo paraqet ndërhyrje flagrante ndaj sovranitetit shtetëror, funksionimit demokratik dhe integritetit institucional të vendit tonë. Njëkohësisht, ndaj serbëve të Kosovës, Serbia po ushtron trysni të paparë për pjesëmarrje në tubimin e presidentit të Serbisë, Aleksandar Vuçiç, në Beograd, e që është paralajmëruar për javën që vjen. Regjimi i Vuçiçt po synon eksportim të krizës në Kosovë dhe jo vetëm, teksa vetë ai ndodhet në krizën më të madhe ndonjëherë”, shkruhej në komunikatë.
