Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
Betimi i presidentes Davkova, reagon Ministria e Jashtme greke: U shkel marrëveshja e Ohrit! Zgjodhi ta quajë vendin e saj Maqedoni
n.fPërditësimi i fundit 12 Maj 2024, 22:29
Gordana Silanovska-Davkova
GREQI- Betimi i presidentes së re të Maqedonisë së Veriut, Gordana Silanovska-Davkova ka marrë vëmendje të madhe për shkak se ajo nuk iu referua vendit të saj sipas emrit kushtetues të shtetit duke thënë thjesht Maqedinia. Në lidhje më këtë detaj i cili mori reagime të shumta ka ardhur edhe një deklaratë nga pala greke.
Në një deklaratë Ministria e Jashtme greke pretendon se betimi e presidentes Davkova ka shkelur Marrëveshjen e Prespës. Sipas marrëveshjes së Prespës emri kushtetues i shtetit është Maqedoni e Veriut gjë e cila sipas tyre u shkel nga presidentja e re gjatë betimit.
Ministria më tej në deklaratën e tyre theksojnë se përparimi i mëtejshëm në marrëdhëniet dypalëshe me Maqedoninë e Veriut si dhe rruga evropiane e kësaj të fundit varet nga zbatimi i plotë i Marrëveshjes së Prespës dhe kryesisht nga përdorimi i emrit kushtetues të vendit.
“Gjatë betimit të saj sot në Kuvend dhe përkundër faktit se në tekstin zyrtar të betimit përmendej “Maqedonia e Veriut”, presidentja e re e Republikës së Maqedonisë së Veriut. Znj. Silianovska-Davkova zgjodhi ta quajë vendin e saj “Maqedoni”.
Ky akt shkel në mënyrë flagrante Marrëveshjen e Prespës si dhe Kushtetutën e shtetit fqinj, e cila është harmonizuar me detyrimet e tij ndërkombëtare. Qeveria greke, megjithë kundërshtimet që kishte shprehur si kundërshtim gjatë ratifikimit të marrëveshjes, e respektoi atë si një traktat ndërkombëtar të ratifikuar që ka përparësi ndaj çdo dispozite tjetër të ligjit.
Greqia, në këtë kontekst, thekson kategorikisht se përparimi i mëtejshëm në marrëdhëniet e saj dypalëshe me Maqedoninë e Veriut si dhe kursi evropian i kësaj të fundit varet nga zbatimi i plotë i Marrëveshjes së Prespës dhe mbi të gjitha nga përdorimi i emrit kushtetues të vendit” thuhet në deklaratën e ministrisë.
