Nga Florjan Binaj
Meqë ke filluar të dalësh me gur në dorë, po të them dy gjëra. Guri është simboli i atij që...
BOTA
Bossi serb i drogës arratiset në mënyrë SPEKTAKOLARE drejt Kolumbisë! I kërkoi policisë ta linin të blinte ujë, më pas nis FILMI
PiranjatPërditësimi i fundit 19 Maj 2023, 09:18
SERBI- Policia në Kolumbi është në kërkim të shtetasit serb AM, i dyshuar për kontrabandë të një sasie të madhe droge nga Amerika e Jugut drejt Evropës, pasi është arratisur në mënyrë spektakolare nga aeroporti i Rionegro, pranë Medellinit, në momentin kur është dashur të ekstradohet në Itali.
Sipas mediave, i dyshuari u arrestua më 9 maj pasi kishte mbërritur në Kolumbi nga Republika Domenikane me dokumente false. Më pas policia konstatoi se ai është një kriminel i rëndë që bashkëpunon me mafien italiane “Ndrangheta”, i cili dyshohet se ka marrë pjesë në kontrabandën e sasive të mëdha të kokainës, heroinës dhe hashashit nga Amerika e Jugut drejt Europës. Plani i policisë ishte ta hipte në avion dhe t'ia dorëzonte autoriteteve italiane, të cilat e kërkonin prej kohësh.
Megjithatë, kur shtetas serb i shoqëruar nga policia mbërriti në aeroportin "Jose Maria Cordova de Rionegro" të mërkurën në orën 19:30, ai kërkoi leje për të blerë një shishe me ujë, pas së cilës filloi një skenë filmi, përballë disa qindra njerëz.
I dyshuari ka përfituar nga mosvëmendja e policisë dhe ka filluar të vrapojë në drejtim të daljes. Para aeroportit e priste një xhip Audi Q7 i zi, në të cilin ndodheshin disa burra, ndoshta bashkëpunëtorë të tij. Në një moment ata kanë nisur të qëllojnë ndaj policisë, të cilët janë detyruar të qëllojnë kundër. Megjithatë, shtetasi serb ka arritur të shkojë në makinë dhe të shpëtojë. Policia ka nisur menjëherë ndjekjen e fuoristradës, por ende nuk ka dhënë rezultat. Askush nuk u lëndua në shkëmbimin e zjarrit, të cilin publiku kolumbian e cilësoi si një mrekulli.
Dialogjet në Sky si në serialin Breaking Bed
Policia ka publikuar edhe një pjesë të komunikimit që të dyshuarit kanë bërë në aplikacionin e koduar Sky. Sipas njoftimit për media, dialogët tingëllojnë sikur janë marrë nga seriali i njohur amerikan "Breaking Bed", në të cilin aktori kryesor, mësuesi i kimisë Walter White, i luajtur nga Bryan Cranston, gatuan dhe shet metamfetaminën për të mbajtur familjen e tij. Pas ngjarjes në aeroport, policia ka bërë të ditur informacione më të detajuara për të arratisurin. Mësohet se ai i përkiste një rrjeti të rrezikshëm kriminal në Itali, por edhe në vende të tjera të rajonit të Europës Lindore.
Detyra e tij kryesore ishte të organizonte përmes kontakteve të tij kontrabandën e drogës nga Kolumbia në Spanjë, nga ku ngarkesat shkonin me rrugë në Italinë qendrore dhe veriore – shpjegon bashkëbiseduesi i medias vendase.
Hetimi ndaj kësaj organizate kriminale nisi pasi një prej korrierëve u arrestua në Spanjë më 28 tetor 2020 dhe u sekuestruan 32 kilogramë kokainë. Policia më pas mblodhi të dhëna që konfirmonin se të dyshuarit organizuan kontrabandë kokaine në disa raste nga viti 2020 deri në mars 2021 dhe u identifikuan të paktën dy importe droge nga Spanja. Më pas janë sekuestruar dërgesat prej 31 kilogramësh e 50 kilogramësh.
Më shumë se 150 të dyshuar janë në paraburgim
Policia kolumbiane dhe italiane morën informacione për të dyshuarit me ndihmën e kolegëve nga Franca dhe Spanja, si dhe u përfshinë edhe Europol dhe Eurojust. Gjithashtu, policia gjermane bëri disa punë dhe arrestoi disa të dyshuar në vendin e tyre. Drejtoria Antimafia e Qarkut Reggio Calabria dhe Milanos ka lëshuar një urdhër për arrestimin e më shumë se 150 personave të dyshuar për kontrabandë kokaine nga Amerika e Jugut në Evropë.
Duke zgjeruar hetimet, grupi u dyshua më pas për 10 episode të tjera të blerjes së drogës nga furnitorë të huaj. Në total kanë ofruar për shitje 402 kilogramë kokainë dhe heroinë dhe 50 kilogramë hashash.
Më 21 prill 2022, policia italiane arrestoi në një operacion të madh edhe Pietro Foti, sipërmarrës dhe një nga drejtuesit e kësaj organizate kriminale. Ai u dënua para gjykatës në Savona me tre vjet e gjashtë muaj burg për themelimin e një klani.
Media: Kosmajac ishte njeriu i Escobarit për tregun evropian
Një nga personat e parë nga nëntoka serbe që lidhet me klanet e drogës në Kolumbi është Dragoslav Kosmajac, i cili statusin e lojtarit kryesor në tregun e drogës e fitoi falë mbretit të drogës Pablo Escobar, shkruan media. Kosmajac, siç raportuan mediat më herët, e ka takuar Escobarin përmes një farë kolumbiani me të cilin ka qenë i burgosur për dy vjet në një burg austriak dhe që do të rezultojë i besuari i Pablo Escobar. Fjala vjen, Kosmajac u burgos në Vjenë pasi u kap për grabitjen e armatosur që kreu me të vrarë Radet Ćaldović Ćenta. Pas daljes nga burgu, raportojnë mediat, Kosmajac u bë njeriu kryesor i Escobar për tregun e drogës në Evropë.
Përveç Fotit dhe shtetasit serb të arratisur, hetim është nisur edhe kundër një shtetasi tjetër serb – Nebojsha Obradoviq, i cili ka qenë në kontakt me Fotin në aplikacionin Sky./Dosja.al
