Kryetari i Grupit Parlamentar të PD-së, Gazment Bardhi, iu përgjigj sot (5 qershor) kryeministrit Edi Rama për deklaratat që bër...
BOTA
Burri i vrau nënën, djali i vogël merr vesh të vërtetën: Nëse babi shkon në burg a mund ta shoh?
PiranjatPërditësimi i fundit 29 Janar 2026, 16:22
Motra e Federica Torzullo-s, Stefania, ka rrëfyer momentin kur i tregoi nipit se çfarë i kishte ndodhur nënës së tij.
“I thashë që ajo nuk ishte më, se e kishin gjetur të varrosur nën tokë në vendin ku punon babai dhe se po hetonin babanë, sepse ai ishte personi i fundit që e kishte parë. Ai nuk e besoi, tha se nuk mund të kishte qenë babai.”
Më pas, sipas asaj që raporton një emision televiziv, fëmija i vogël i ka thënë tezes: “Po sikur të shkojë në burg, a mund ta shoh unë?”
“Babai ia ka marrë gjithçka: nënën, babanë, shtëpinë e tij, lodrat e tij. Ia ka marrë jetën e tij si fëmijë,” shtoi Stefania Torzullo.
Dhe, sa i përket lodrave, sipas asaj që raporton Il Messaggero, fëmija ka kërkuar t’i marrë përsëri. Ai ka bërë një listë me gjërat që donte të merrte nga shtëpia e tij: PlayStation, monopatinë, kallamat e peshkimit, libra, rroba dhe këpucë.
Nëpërmjet avokatëve të tyre, gjyshërit nga ana e nënës ia kanë dërguar listën prokurorit të Civitavecchia-s, Alberto Liguori. Me urdhër të prokurorisë, karabinierët hynë në vilën në rrugën Via Costantino 9, në Anguillara Sabazia (Romë), dhe morën sendet e kërkuara.
