Një vatër zjarri është regjistruar pasditen e kësaj të diele pranë fshatit Humelicë në Gjirokastër.
Sipas i...
BOTA
Delegacioni iranian në Pakistan, SHBA instalon 3 transportues avionësh në Lindjen e Mesme
PiranjatPërditësimi i fundit 24 Prill 2026, 18:04
Bisedimet e paqes midis Shteteve të Bashkuara dhe Iranit mund të rifillojnë së shpejti, thanë tre burime pakistaneze për Reuters, sipas Sky News Arabia.
Një delegacion Iranian i drejtuar nga ministri i Jashtëm, Abbas Araghchi është nisur drejt Pakistanit për të diskutuar propozimin mbi rinisjen e bisedimeve me SHBA-në. Araghchi do të zhvillojë bisedime dypalëshe gjatë vizitës së tij të shkurtër në Pakistan dhe do të diskutojë qëndrimin e tij mbi bisedimet e propozuara me Shtetet e Bashkuara në lidhje me luftën me Iranin, të cilat më pas do t'i paraqiten Uashingtonit, thanë burimet. Kjo të paktën sipas Reuters, që i referohet dy burimeve pakistaneze.
Shefi i Forcave të Armatosura të Pakistanit, Asim Munir, i ka paraqitur Iranit propozime të reja për bisedime me Shtetet e Bashkuara, të cilat Teherani po i shqyrton. Kjo u deklarua nga ambasadori i Republikës Islamike në Rusi, Kazem Jalali, gjatë konsultimeve të mbajtura në Moskë me shtetet anëtare të Organizatës së Bashkëpunimit të Shangait.
"Në ditët e fundit, pas mbërritjes në Teheran të Komandantit të Ushtrisë Pakistaneze si ndërmjetës, u paraqitën propozime të reja, të cilat aktualisht po i shqyrtojmë dhe po shkëmbejmë komunikata", tha Jalali, i cituar nga agjencia ruse e lajmeve Tass.
Më 16 prill, Shefi i Forcave të Armatosura të Pakistanit vizitoi Teheranin, ku u takua me udhëheqësit ushtarakë dhe politikë të Republikës Islamike të Iranit.
Në anën tjetër, SHBA-të dërguan 3 transportues aeroplanësh në Lindjen e Mesme.
"Për herë të parë në dekada, tre transportues aeroplanësh po operojnë njëkohësisht në Lindjen e Mesme", njoftoi Komanda Qendrore e SHBA-së (CENTCOM). Në një postim në X, specifikohet se me USS Abraham Lincoln, USS Gerald R. Ford dhe USS George H.Ë. Bush, ka "mbi 200 avionë dhe 15,000" njësi.
Sekretari i Mbrojtjes i SHBA-së, Pete Hegseth, e quajti luftën në Iran një "dhuratë për botën", ndërsa foli me gazetarët në Pentagon. Ai shtoi se bllokada detare amerikane e anijeve iraniane do të vazhdojë "për aq kohë sa të jetë e nevojshme" për të kryer misionin "e guximshëm dhe të rrezikshëm" të Shteteve të Bashkuara për t'i dhënë fund kërcënimit që Irani paraqet për sigurinë globale.
