Personi në foto, efektivi i ‘Shqiponjave’ Edison Adri, i cili mbeti i plagosur gjatë operacionit policor të zhvilluar në zon&e...
BOTA
Dështon për të gjashtën herë konstituimi i Kuvendit të Kosovës, seanca e radhës të dielën
n.fPërditësimi i fundit 25 Prill 2025, 12:53
KOSOVË- Kuvendi i Kosovës ka zhvilluar ditën e sotme seancën e gjashtë konstituive. Kryesuesi i seancës, Avni Dehari, tha se të pranishëm janë 119 deputetë. Deputeti i Lëvizjes Vetëvendosje, Glauk Konjufca, propozoi sërish Albulena Haxhiun për postin e kryeparlamentares së Kuvendit të Kosovës.
Ai u kërkoi votën edhe partive të tjera, duke u thirrur në tentim për të zhbllokuar konstituimin e Kuvendit të Kosovës. Kjo është hera e katërt që Haxhiu propozohet për këtë post por ajo nuk ka arritur asnjëherë të sigurojë 61 votat e nevojshme.
Edhe në këtë seancë ajo nuk ka marrë votat e nevojshme për kryetare të Kuvendit. Ajo ka pasur 57 vota. 47 vota kundër, dhe 3 abstenime. Nisma sërish ka abstenuar.
"Ne sërish e bëjmë propozimin e njëjtë, emri ynë i vetëm është Albulena Haxhiu. Ju kërkoj mirëkuptimin e juaj që t’i kontribuoni zhbllokimit të kësaj situate, ashtu që të kalojmë në faza të tjera", tha Konjufca.
Partitë politike janë shprehur të bindura në qëndrimet e tyre. LDK-ja nuk votoi asnjë kandidat të VV-së. PDK-ja ka lënë të hapur mundësinë për ndonjë kandidat tjetër. Kurse, AAK-ja ka propozuar Saranda Bogujevcin dhe Shqipe Selimin. Haxhiu shihet nga disa parti parlamentare si "figurë përçarëse", por Vetëvendosje ngul këmbë se ajo është kandidate që e meriton këtë post. Seanca e sotme është ndërprerë për tu mbajtur të dielën.
"Detyrohemi ta ndërpresim seancën. 27 prill sërish në ora 10:00. Shihemi përsëri,” u tha para se të shpërndaheshin deputetet.
