Një tjetër eurodeputet i Parlamentit Europian ka reaguar i indinjuar ndaj dhunës së policisë me urdhër të kryeministrit...
BOTA
Dy tërmete të tjerë të fuqishëm shkundin Afganistanin, mbi 2200 viktima dhe mijëra të plagosur
PiranjatPërditësimi i fundit 5 Shtator 2025, 18:16
Dy lëkundje të tjera të fuqishme tërmeti goditën Afganistanin lindor me një diferencë prej 12 orësh, duke shkaktuar frikë për më shumë vdekje dhe shkatërrime. Deri tani nga tërmeti i fuqishëm i ditëve më parë janë regjistruar mbi 2200 viktima, teksa vijojnë kërkimet për të mbijetuar dhe ka gjithashtu mijëra të plagosur.
Ambulancat transportuan në spital 13 persona të plagosur pas tërmetit me magnitudë 6.2 të shkallës Rihter të së enjtes në provincën Nangarhar, me epiqendër në distriktin Shiëa pranë kufirit me Pakistanin, tha zëdhënësi rajonal i shëndetësisë Naqibullah Rahimi, sipas “Reuters”. Kurse tërmeti i ditës së sotme ishte me magnitudë 5.4 ballë dhe goditi juglindjen në një thellësi prej 10 km, tha Qendra Gjermane e Kërkimeve për Gjeoshkencat, vetëm disa orë pas atij të djeshëm.
Të mbijetuarit në rajonin e prirur ndaj tërmeteve po përpiqen të sigurojnë pajisjet bazë, ndërsa Kombet e Bashkuara dhe agjenci të tjera paralajmërojnë për një nevojë kritike për fonde, ushqim, furnizime mjekësore dhe strehim, me Organizatën Botërore të Shëndetësisë që kërkon fonde prej 4 milionë dollarësh. Tërmeti i parë, me magnitudë 6 ballë, pak para mesnatës të së dielës, ishte një nga më vdekjeprurësit në Afganistan, duke shkaktuar dëme dhe shkatërrime në provincat Nangarhar dhe Kunar.
Një tërmet i dytë me magnitudë 5.5 ballë të martën shkaktoi panik dhe ndërpreu përpjekjet e shpëtimit, pasi rrëshqiste shkëmbinj poshtë maleve dhe bllokoi rrugët për në fshatrat në zonat e largëta.
Dy tërmetet e para rrafshuan fshatrat në të dy provincat, duke shkatërruar më shumë se 6,700 shtëpi, dhe punëtorët e shpëtimit nxorën trupa nga rrënojat të enjten.
