Kryeministri Edi Rama ka publikuar një pasqyrë të protestave në disa vende, ku përfshihet edhe Shqipëria, duke krahasuar numrin e ...
BOTA
E rëndë në Itali/ Humb jeten 23-vjeçarja, u godit me thike në shpinë
PiranjatPërditësimi i fundit 3 Shkurt 2026, 18:22
Një ngjarje e rëndë ka ndodhur në Itali, pasi një 23-vjeçare është gjetur e pajetë pasditen e kësaj të marte, pasi dyshohet se u godit me thikë në rrethana ende të paqarta.
Viktima, e identifikuar si Ilenia Musella, mbërriti pa shenja jete në Spitalin “Villa Betania”, ku u transportua me makinë nga banorë të parkut “Conocal”, zona ku besohet se ndodhi edhe sulmi.
Raportohet se e reja kishte marrë një plagë të thellë me thikë në shpinë dhe, pavarësisht përpjekjeve të mjekëve të urgjencës, nuk arriti të mbijetonte.
Menjëherë pas ngjarjes, autoritetet nisën hetimet për zbardhjen e rrethanave.
Sipas hetimeve paraprake, dyshohet se krimi mund të ketë ndodhur pas një konflikti të papritur në rrugë, ku besohet se janë përfshirë disa persona. Deri më tani, policia nuk ka mundur të identifikojë autorin, pasi zona ku dyshohet se ndodhi ngjarja nuk mbulohet nga kamera sigurie.
Hetuesit po marrin në pyetje familjarët e viktimës dhe disa dëshmitarë të mundshëm, në përpjekje për të hedhur dritë mbi motivet dhe dinamikën e krimit.
Ngjarja ka shkaktuar tronditje të madhe në zonën përreth, ku lajmi për vdekjen tragjike të 23-vjeçares u përhap me shpejtësi mes banorëve. Autoritetet bëjnë me dije se hetimet vijojnë intensivisht për identifikimin dhe kapjen e autorit.
