Gazetari i News24, Osman Stafa, është kërcënuar me vdekje përmes një mesazhi të dërguar në llogarinë e tij n...
BOTA
Eksperimenti/ Robotët gati të zëvendësojnë njerëzit në shërbimet e aeroportit
PiranjatPërditësimi i fundit 29 Prill 2026, 11:39
Japan Airlines (JAL) do të fillojë përdorimin e robotëve humanoidë në detyrat e shërbimit në tokë në aeroportin Haneda të Tokyo nga muaji maj, në një provë dy vjeçare që synon të lehtësojë ngarkesën e punonjësve.
Fillimisht, robotët e prodhuar në Kinë do të përdoren për të ngarkuar dhe shkarkuar kontejnerët e mallrave, njoftuan JAL dhe partneri i saj në projekt, GMO AI & Robotics, gjatë një demonstrimi për mediat të hënën.
Industria e aviacionit në Japoni po përballet me mungesë fuqie punëtore, si pasojë e rritjes së turizmit hyrës dhe rënies së popullsisë në moshë pune, tha JAL, e cila punëson rreth 4,000 punonjës në shërbimet tokësore.
Kompania shpreson që në të ardhmen këta robotë të përdoren edhe për pastrimin e kabinave dhe operimin e pajisjeve mbështetëse në tokë. Robotët tashmë përdoren në disa aeroporte në Japoni, përfshirë për patrullime sigurie dhe shitje me pakicë.
Japonia mirëpriti më shumë se shtatë milionë vizitorë të huaj në dy muajt e parë të këtij viti, sipas statistikave nga JTB Group, agjencia më e madhe turistike në vend.
“Megjithëse aeroportet duken shumë të automatizuara dhe të standardizuara, operacionet e tyre në prapaskenë varen ende shumë nga puna njerëzore dhe përballen me mungesa serioze të fuqisë punëtore,” tha për gazetarët Tomohiro Uchida, president i GMO AI & Robotics. Përdorimi i robotëve për detyra fizikisht të rënda do të “sjellë përfitime të konsiderueshme për punonjësit”, citohet nga agjencia Kyodo Yoshiteru Suzuki, president i shërbimit tokësor të JAL. Megjithatë, ai theksoi se disa detyra, përfshirë menaxhimin e sigurisë, mund të kryhen vetëm nga njerëzit./Përktheu Piranjat News
