Forcat e armatosura të SHBA-së dhe Izraelit po planifikojnë të rifillojnë sulmet ndaj Iranit pas zgjedhjeve të mesit të man...
BOTA
Çështja e vrasjes së Martin Canit kaloi për gjykim/ Flet shoku i tij, Luis Meçja: Duam drejtësi! S’e përjetova mirë seancën, jam i gatshëm të dëshmoj në gjyq
e. dPërditësimi i fundit 27 Mars 2025, 16:43
TIRANË- Luis Meçja, shoku i 14-vjeçarit të vrarë Martin Cani, ka deklaruar se është i gatshëm të dëshmojë në gjykatë. Duke folur për mediat pas përfundimit të seancës, Luis Meçe theksoi se dëshiron drejtësi.
“Nuk e kam përjetuar mirë seancën, por dua të them se kërkojmë drejtësi. Jam gjithnjë i gatshëm të dëshmoj në gjyq nëse më kërkohet”, tha ai.
Gjykata e Tiranës vendosi këtë të enjte të dërgojë për gjykim 14-vjeçarin Mario Përlleshaj i akuzuar për vrasjen e bashkëmoshatarit të tij Martin Cani. Përlleshaj do të gjykohet për veprën penale të vrasjes në rrethana cilësuese ndaj dy ose më shumë personave.
Gjyqtarja Migena Laska pranoi kërkesën e prokurorisë për gjykim të dosjes penale. Gjykata rrëzoi gjithashtu kërkesën për gjykim të shkurtuar të bërë nga avokati i miturit, duke e çuar kështu çështjen në procesin e rregullt gjyqësor.
Martin Cani humbi jetën mesditën e 18 nëntorit 2024 pasi u qëllua me thikë në bark nga bashkëmoshatari i tij, Mario Përlleshaj. Ngjarja e rëndë ka ndodhur pas një konflikti mes dy të miturve që ka degraduar në përdorimin e thikës. Mario Përlleshaj dyshohet se ka qenë në klasë paralele me viktimën, në shkollën 9-vjeçare 'Fan Noli'. Konflikti mes të miturve raportohet se ka nisur në oborrin e shkollës, ndërsa ka agravuar jashtë ambienteve të saj.
Autori ka nxjerrë thikën dhe ka qëlluar mbi 14-vjeçarin, Martin Cani. Pasi është goditur me thikë, Cani është afruar tek shkolla, ka ecur disa metra dhe pasi ka nisur të humbë gjak, është rrëzuar në trotuarin para shkollës. Si pasojë e plagëve të marra, Cani ka ndërruar jetë në spital.
I plagosur nga ky sherr ka mbetur edhe shoku i ngushtë i viktimës, Luis Meçja i cili nuk mësonte në të njëjtën shkollë me to, po stërviteshin në të njëtin klub futbolli. I plagosur mbeti edhe vetë autori, i cili mori dëmtime në dorë dhe u trajtua në spital privat për disa ditë pas ngjarjes së rëndë.
