Zbardhen detaje rreth profilit të autori ttë ngjarjes në Maliq, që vrau një polic dhe plagosi një tjetër. Violand Bracellar...
BOTA
Evropa përvëlohet nga vala ekstreme e të nxehtit/ Temperatura rekord dhe viktima
PiranjatPërditësimi i fundit 31 Maj 2026, 17:07
Një valë e pazakontë e të nxehtit ka përfshirë Evropën Perëndimore, duke thyer rekorde temperaturash dhe duke shkaktuar viktima. Sipas meteorologëve, shkaku kryesor i temperaturave ekstreme në Evropën Perëndimore është fenomeni i njohur si “kupola termike”.
Një sistem i fuqishëm me presion të lartë ka bllokuar masat e nxehta të ajrit që vijnë nga Afrika e Veriut, duke penguar qarkullimin normal të atmosferës dhe duke rritur temperaturat deri në 10-15 gradë mbi mesataren sezonale. Britania e Madhe po përballet me një situatë të paprecedentë, me 11 viktima të raportuara deri tani si pasojë e temperaturave të larta.
Në Londër, termometri arriti deri në 35.1°C, duke thyer rekorde që qëndronin prej më shumë se një shekulli. Vendi po përjeton gjithashtu net tropikale të njëpasnjëshme, me temperatura që nuk zbresin nën 20°C.
Në Francë, autoritetet kanë vendosur në alarm portokalli dhjetëra rajone, përfshirë Parisin.
Deri më tani janë raportuar shtatë viktima, ndërsa temperaturat kanë arritur deri në 39°C. Masa emergjente janë aktivizuar edhe për të kufizuar trafikun dhe ndotjen në zonat më të prekura.
Edhe Spanja po përballet me temperatura që i afrohen ose tejkalojnë 40°C, veçanërisht në Andaluzia dhe rajonet qendrore të vendit.
Në qytete si Sevilja, Kordoba dhe Toledo, nxehtësia po kujton kulmin e verës së korrikut.
Rekorde historike janë regjistruar edhe në Portugali, ku termometri shënoi 40.3°C, temperatura më e lartë e regjistruar ndonjëherë për muajin maj.
Ndërkohë, në Itali, qytete të mëdha si Roma, Firence, Bolonja dhe Torino janë vendosur në alarm të kuq, me autoritetet që paralajmërojnë për rrezik serioz për shëndetin publik.
