Makina e re e Edi Ramës nuk qenka blerë nga shteti, por është marrë me qira. Dhe për pagesën, qeveria ka një sqarim: f...
BOTA
Çfarë ndodhi? Përfaqësuesja e Qipros në Eurovision ‘shpërthen’ në lot
PiranjatPërditësimi i fundit 19 Maj 2026, 19:06
Përfaqësuesja e Qipros në Eurovision, Antigoni, është shfaqur e prekur nga emocionet pas përfundimit të konkurrimit, pasi nuk arriti të sigurojë një renditje më të lartë në festivalin muzikor ndërkombëtar. Këngëtarja u përlot para fotoreporterëve, duke reflektuar zhgënjimin e saj, por edhe mirënjohjen për eksperiencën në skenën e madhe evropiane.
“Doja vërtet të bëja diçka më të fortë, një pozicion më ‘më të fortë’ për Qipron tonë. E doja vërtet këtë. Më vjen keq që nuk ndodhi”, tha ajo, duke pranuar hapur pritshmëritë e larta që kishte për performancën e saj dhe përfaqësimin e vendit. Në atë moment, fotoreporterët i shprehën mbështetje, duke i thënë se e donin dhe ishin krenarë për të, gjë që e preku edhe më shumë këngëtaren.
Ajo u përgjigj me një buzëqeshje të ndrojtur, përpara se të shpërthente në lot dhe të falënderonte të pranishmit për përkrahjen. Më pas, Antigoni u shpreh se pavarësisht rezultatit, eksperienca mbetet e çmuar për të.
“Jam e kënaqur. Jam mirënjohëse për këtë udhëtim. E kam jetuar ëndrrën time në skenë. Më pëlqen të këndoj, i dua balerinët e mi, të gjithë ekipin dhe të gjithë njerëzit që më mbështesin, por doja diçka më të fortë, por është në rregull”, tha ajo.
E pyetur nga gazetarët nëse e konsideronte këtë një dështim dhe nëse ndihej e hidhëruar, ajo u përgjigj me sinqeritet: “Ndoshta pak sepse me të vërtetë doja ta bëja Qipron një vend më të mirë”. Antigoni performoi këngën “Jalla”, një projekt me ritëm energjik dhe koreografi dinamike që tërhoqi vëmendjen e publikut, por që në fund e renditi në vendin e 19-të me 75 pikë.
