Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
BOTA
FOTOT/ Ketri hëngri kabllot e korrentit, digjet plotësisht shtëpia e familjes
PiranjatPërditësimi i fundit 10 Shkurt 2026, 12:39
Një familje nga Panama City, Florida, po përballet me sfidën e vështirë të nisjes nga e para pasi shtëpia e tyre u shkatërrua pothuajse plotësisht nga një zjarr, i cili dyshohet se u shkaktua nga një ketër që përtypi telat elektrikë në papafingo.
Sipas medias lokale WMBB, zjarri shpërtheu gjatë natës, ndërsa banorët Donnie Banta dhe Stacey Davis po flinin në shtëpi së bashku me dy fëmijët dhe kafshët e tyre shtëpiake. Banta tregoi se u zgjua pasi dëgjoi një zhurmë të pazakontë dhe ndjeu erë djegieje elektrike, çka e shtyu të zgjonte menjëherë familjen dhe të largohej nga banesa.
“Ishte gjithçka shumë e shpejtë. Thjesht po përpiqeshim të zgjonim të gjithë dhe të dilnim jashtë”, tha Davis, duke e përshkruar momentin si tepër firkësues.
Familja arriti të largohej në kohë, së bashku me qenin dhe macen e tyre, pa pësuar lëndime. Megjithatë, dëmet materiale ishin të mëdha. Fotot e publikuara në një faqe GoFundMe tregojnë një çati pjesërisht të shembur dhe një brendësi të djegur rëndë.
Sipas Banatës, zjarrfikësit i informuan se shkaku i zjarrit ishte një ketër që kishte hyrë në papafingo dhe kishte shkaktuar një qark të shkurtër elektrik. Autoritetet lokale të zjarrfikësve nuk kanë dhënë ende një deklaratë zyrtare.
Një fushatë GoFundMe e organizuar nga miqtë e familjes ka mbledhur deri tani rreth 6,000 dollarë, të cilat do të përdoren për strehim të përkohshëm dhe shpenzime të menjëhershme, ndërsa familja përpiqet të rindërtojë jetën pas kësaj tragjedie.
