Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
BOTA
"Frika nuk ka dobi, nuk do të përulem kurrë"/ Reagon për herë të parë Imamoglu pas baraburgimit: U bëj thirrje 86 milionë qytetarëve të mi të shpallin luftën për demokraci
m.lPërditësimi i fundit 23 Mars 2025, 11:12
TURQI- Ekrem Imamoglu, një kundërshtar kryesor i presidentit Rexhep Tajip Erdogan, u mbajt në paraburgim pas një kërkese nga prokuroria drejtuar gjyqësorit turk. Imamoglu u la në paraburgim për rastin e korrupsionit. Në lidhje me akuzën e veçantë për terrorizëm, gjykata nuk vendosi për paraburgimin e tij, por e vendosi Imamoglun nën masa kufizuese, që ka të ngjarë të thotë se ai nuk do të zëvendësohet nga një zyrtar i emëruar nga qeveria.
Deri në mbajtjen e gjyqit të tij, kryebashkiaku i Stambollit do të qëndrojë në burg. Imamoglu, i cili pritej të kandidonte si kandidat në zgjedhjet e ardhshme presidenciale në Turqi, mohon akuzat dhe i përshkruan ato si të pamendueshme, inekzistente, imorale dhe shpifëse. CHP, partia kryesore opozitare së cilës i përket Imamoglu, denoncoi një grusht shteti politik pas arrestimit të tij.
Pas paraburgimit, ai shkroi në Twitter: “Frika nuk ka dobi! Kështu do të mposhteni! Kështu do të mposhteni. Ju do të mposhteni nga drejtësia jonë, guximi ynë, modestia jonë, fytyra jonë e qeshur! Kombi im i dashur. Asnjëherë mos u trishto, mos u zhgënje kurrë, mos e humb kurrë shpresën. Do ta çrrënjosim dorë për dore këtë goditje, këtë njollë të zezë mbi demokracinë tonë. Është afër dita kur njerëzit që menaxhojnë këtë proces do të mbajnë përgjegjësi para Krijuesit Fuqiplotë, si në këtë botë ashtu edhe në ahiret. U bëj thirrje 86 milionë qytetarëve të mi të dalin në kutitë e votimit dhe të shpallin luftën e tyre për demokraci dhe drejtësi në mbarë botën. Unë qëndroj në këmbë, nuk do të përkulem kurrë. Gjithçka do të jetë e mrekullueshme”.
