Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
BOTA
Gjykata Penale Ndërkombëtare lëshon urdhër arreste për Netanyahun dhe liderin e Hamasit (AKUZAT)
r.llPërditësimi i fundit 20 Maj 2024, 13:25
yahya sinwar, benjamin netanyahu
IZRAEL- Gjykata Penale Ndërkombëtare ka kërkuar urdhra arresti për liderin e Hamasit, Yahya Sinwar dhe kryeministrin izraelit Benjamin Netanyahu me akuza për krime lufte dhe krime kundër njerëzimit lidhur me sulmet e 7 tetorit në Izrael dhe luftën pasuese në Gaza. Lajmin e ka dhënë kryeprokurori i gjykatës, Karim Khan në një intervistë për CNN.
Khan tha se Gjykata Penale Ndërkombëtare (ICC) po kërkon gjithashtu urdhër për Ministrin e Mbrojtjes të Izraelit, Yoav Gallant, si dhe dy liderë të tjerë të lartë të Hamasit, Mohammed Diab Ibrahim al-Masri, udhëheqësi i Brigadave Al Qassem dhe i njohur më mirë si Mohammed Deif, dhe Ismail Haniyeh, lideri politii i Hamasit.
Urdhër arrestet kundër politikanëve izraelitë shënojnë herën e parë që ICC ka vënë në shënjestër udhëheqësin më të lartë të një aleati të ngushtë të Shteteve të Bashkuara të Amerikës. Vendimi e vendos Netanyahun në rangun e presidentit rus Vladimir Putin, për të cilin Gjykata Ndërkombëtare e Hagës lëshoi një urdhër arresti për luftën e Moskës kundër Ukrainës.
Një panel gjyqtarësh të ICC tani do të shqyrtojë kërkesën e Khan për urdhër-arrest. Khan tha se akuzat kundër Sinwar, Haniyeh dhe al-Masri përfshijnë "shfarosje, vrasje, marrje pengjesh, përdhunim dhe sulm seksual në paraburgim".
“Bota u trondit më 7 tetor kur njerëzit u hoqën nga dhomat e tyre të gjumit, nga shtëpitë e tyre, nga kibucitë e ndryshëm në Izrael”, tha Khan për Amanpour, duke shtuar se “njerëzit kanë vuajtur jashtëzakonisht shumë”.
Akuzat kundër Netanyahut dhe Gallantit përfshijnë “shkaktim të shfarosjes, shkaktimin e urisë si metodë lufte, duke përfshirë mohimin e furnizimeve me ndihma humanitare, duke synuar qëllimisht civilët në konflikt”, i tha Khan Amanpour.
Kur raportet u shfaqën muajin e kaluar se kryeprokurori i ICC-së po shqyrtonte këtë mënyrë veprimi, Netanyahu tha se çdo urdhër arresti i ICC-së kundër zyrtarëve të lartë të qeverisë dhe ushtarakëve izraelitë "do të ishte një fyerje e përmasave historike" dhe se Izraeli "ka një sistem ligjor të pavarur që heton me rigorozitet të gjitha shkeljet e ligjit.”
I pyetur nga Amanpour në lidhje me komentet e bëra nga Netanyahu, Khan tha: "Askush nuk është mbi ligjin".
Ai tha se nëse Izraeli nuk pajtohet me gjykatën, "ato janë të lirë, pavarësisht kundërshtimeve të tyre ndaj juridiksionit, të ngrenë një sfidë para gjyqtarëve të gjykatës dhe kjo është ajo që unë i këshilloj ata të bëjnë".
Izraeli dhe Shtetet e Bashkuara nuk janë anëtarë të ICC. Megjithatë, ICC pretendon se ka juridiksion mbi Gazën, Jerusalemin Lindor dhe Bregun Perëndimor pasi udhëheqësit palestinezë ranë dakord zyrtarisht të jenë të detyruar nga parimet themeluese të gjykatës në vitin 2015./ CNN
