Disa prej emrave më të fuqishëm të teknologjisë amerikane do të jenë të pranishëm javën e ardhshme n&e...
BOTA
Greqia, paketë 300 milionë euro për të zbutur rritjen e çmimeve të karburanteve
PiranjatPërditësimi i fundit 23 Mars 2026, 14:17
Pas Italisë, edhe Greqia fqinje ka marrë masa për lehtësimin e qytetarëve si pasojë e rritjes së çmimit të karburantëve që nga nisja e luftës në Lindjen e Mesme.
Kryeministri Kyriakos Mitsotakis njoftoi se paketa e ndihmës që kap vlerën e 300 mijë eurove në dy muaj, përmban katër masa, subvencion për karburantin, Kartë Dixhitale të Karburantit, subvencion për blerjen e plehrave për bujqësinë dhe kompensim për kompanitë e trageteve me zbritje të detyrueshme.
-Karburanti dizel subvencionohet në rrjetin e shpërndarjes me 16 cent/litër – përfitimi në çmimin përfundimtar (duke përfshirë TVSH-në) është 20 cent/litër.
-Një Kartë Dixhitale Karburanti lëshohet për të mbështetur rritjen e çmimeve të benzinës – ajo do të përdoret në stacionet e benzinës, transportin publik dhe taksitë. Mbështetja mesatare është 36 cent/litër – me një konsum mesatar mujor prej 70 litrash.
-Për të lehtësuar fermerët nga rritjet e ndjeshme të plehrave, 15% e shumës së të ardhurave të tyre nga blerjet subvencionohet.
-Po vendoset kompensim për kompanitë e trageteve, i cili do të lidhet me zbritje të detyrueshme në bileta, me qëllim që çmimet të mbahen në nivelet e vitit të kaluar.
“Qeveria mbetet dhe do të mbetet në krah të çdo qytetari grek”, u shpreh Kyriakos Mitsotakis.
