Pak orë para protestës së paralajmëruar, Policia ka rrethuar me barriera metalike perimetrin pranë Parlamentit, nga Xhamia e Namazgja...
BOTA
Gruaja e kryeministrit izraelit, Sara Netanyahu nën hetim penal
n.fPërditësimi i fundit 2 Shkurt 2025, 20:04
IZRAEL- Një hetim penal ka nisur kundër Sara Netanyahu, gruas së kryeministrit izraelit. Lajmin e njoftoi prokuroria e Izraelit në një letër dërguar sot një deputeti të opozitës që kishte kërkuar ndjekje penale. Prokuroria nuk specifikon natyrën e çështjes kundër gruas së Netanyahut, i cili aktualisht ndodhet në Shtetet e Bashkuara.
Deputetja e Partisë së Punës, Naama Lazimi akuzon gruan e kryeministrit izraelit se ka tentuar për të korruptuar një dëshmitare në gjyqin e bashkëshortit të saj pas një investigimi gazetaresk të transmetuar në dhjetor nga një rrjet televiziv privat.
"Ky zbulim është i rëndësishëm për mbikëqyrjen parlamentare, sistemin gjyqësor dhe sundimin e ligjit”, shkroi Lazimi në një mesazh për X.
“Nuk do të hesht, nuk do të përkulem dhe nuk do të lejoj që ky rast të varroset. Drejtësia do të vendoset, ne do të sigurohemi që të ndodhë,” shtoi ajo.
Deputetja dërgoi letrën e saj drejtuar organeve të drejtësisë pas një hetimi nga emisioni investigativ Ouvda në Channel 12, i cili konfirmoi se gruaja e Benjamin Netanyahu kishte tentuar të frikësonte një dëshmitar në rastin e bashkëshortit të saj.
Në këtë emision u prezantuan pamjet audio në të cilat thuhet se Netanyahu i kërkon ndihmësit të bashkëshortit të saj, i cili më pas ka vdekur, të ngacmojë dhe të kryejë një fushatë negative në rrjetet sociale kundër kundërshtarëve të bashkëshortit të saj dhe kryesisht kundër Klein, një prej dëshmitarëve kryesorë në gjyqin kundër kryeministrit izraelit. Në dhjetor, kreu i qeverisë izraelite dëshmoi për herë të parë gjatë gjyqit të tij për korrupsion. Ai i cilësoi akuzat ndaj tij si “qesharake”.
