Të martën, më datë 20 tetor, pas thirrjes së Sindikatës së Punonjësve të Universiteteve të Shqipërisë...
BOTA
Sulmi ndaj kampit të forcave shumëkombëshe, stafi i ambasadës gjermane në Bagdad tërhiqet nga Lindja e Mesme
PiranjatPërditësimi i fundit 6 Mars 2026, 19:18
Gjermania ka nisur tërheqjen e forcave shtesë të Bundeswehr nga Lindja e Mesme, ndërsa personeli i ambasadës gjermane në Bagdad po transferohet në Jordani për shkak të përshkallëzimit të tensioneve në rajon.
Sipas raportimeve të RedaktionsNetzwerk Deutschland (RND), ushtarët gjermanë të stacionuar në Bagdad, së bashku me stafin diplomatik të ambasadës, po largohen nga kryeqyteti irakian. Qeveria federale ka informuar më herët gjatë ditës drejtuesit e komisioneve përkatëse të Bundestag për këtë vendim.
Ushtarët dhe diplomatët gjermanë do të transferohen në Jordani, ku janë dislokuar dy avionë transporti ushtarak Airbus A400M Atlas, të cilët pritet t’i riatdhesojnë ata drejt Gjermanisë.
Ndërkohë, trupat e Bundeswehr-it të vendosura në Bahrein janë kthyer tashmë në Gjermani, ndërsa autoritetet gjermane po përgatisin edhe tërheqjen e forcave nga Kuvajti si dhe nga misioni paqeruajtës UNIFIL në Liban.
Situata u përkeqësua gjatë fundjavës, kur kampet shumëkombëshe në Irakun verior dhe në Jordani, ku janë të pranishme edhe forca të Bundeswehr-it, u vunë në shënjestër të sulmeve iraniane, pas përshkallëzimit të konfliktit mes Shtetet e Bashkuara, Izraelit dhe Iranit. Para fillimit të këtyre sulmeve, më shumë se 500 ushtarë gjermanë ishin të dislokuar në Lindjen e Mesme.
Ndërkohë, Zvicra ka vendosur ta mbajë të hapur ambasadën e saj në Teheran. Aktualisht, në ambasadë ndodhen gjashtë shtetas zviceranë dhe 18 punonjës vendas, megjithëse katër shtetas zviceranë janë larguar nga Irani të martën e kaluar./PiranjatNews/
