Forcat e armatosura të SHBA-së dhe Izraelit po planifikojnë të rifillojnë sulmet ndaj Iranit pas zgjedhjeve të mesit të man...
BOTA
Imazhi që provokoi jurinë, i jepet çmimi prestigjoz, fotografi e refuzon (Historia)
PiranjatPërditësimi i fundit 18 Prill 2023, 20:00
Fotoja
Teknologjia po na habit dita ditës e së fundmi fotot e krijuara nga Inteligjenca Artificiale po marrin vëmendjen tonë. Kjo pasi duken shumë reale. Aq reale, sa një prej tyre ka fituar edhe çmim.
Bëhet fjalë për këtë foto:
Kjo foto ka fituar një prej çmimeve më prestigjioze, “Sony World Photography”, por artisti ka refuzuar që ta pranojë duke treguar se nuk është origjinale, por është krijim i inteligjencës artificiale.
Artisti gjerman Boris Eldagsen tregoi se përdori këtë imazh për të testuar konkurrencën, si dhe për të ndezur një diskutim për të ardhmen e fotografisë.
Eldagsen falënderoi jurinë që përzgjodhën imazhin e tij, duke e cilësuar si një moment historik, teksa shtroi pyetjen “nëse ndonjë nga anëtarët e ka kuptuar që është produkt i inteligjencës artificiale?”.
“Imazhet e AI (Artificial intelligence) dhe fotografia nuk duhet të konkurrojnë me njëra-tjetrën në një çmim si ky. Ata janë entitete të ndryshme. AI nuk është fotografi. Prandaj nuk do ta pranoj çmimin”, tha ai.
Organizatorët e eventit thanë se e njohin rëndësinë e kësaj teme dhe ndikimin e saj në krijimin e imazhit sot, por theksuan se çmimet kanë qenë dhe do të vazhdojnë të jenë një platformë për të përkrahur përsosmërinë dhe aftësinë e fotografëve dhe artistëve që punojnë në terren.
Kjo nuk është hera e parë që një produkt i inteligjencës artificiale fiton një çmim në një konkurs fotografie. Hera e fundit ndodhi në SHBA, shtatorin e kaluar, dhe kjo ka rindezur një debat shumë të fortë.
