Kuvendi i Shqipërisë ka dalë me një deklaratë të përbashkët, pas vendimit të djeshëm të gjykatës s&e...
BOTA
Irani i kundërpërgjigjet Trump: Po e zvarrit SHBA në ferr, rajoni do të digjet
PiranjatPërditësimi i fundit 5 Prill 2026, 19:19
Teherani paralajmëroi presidentin amerikan, Donald Trump, pas kërcënimeve të fundit që kreu ui Shtëpisë së Bardhë bëri ndaj infrastrukturës së tij energjetike dhe urave nëse Irani nuk e hap Ngushticën e Hormuzit deri të martën.
"Lëvizjet tuaja të pamatura po i zvarrisin Shtetet e Bashkuara në një ferr të gjallë për çdo familje të vetme dhe i gjithë rajoni ynë do të digjet, sepse ju këmbëngulni të ndiqni urdhrat e Netanyahut’, thuhet në reagimin e kryeparlamentarin iraniaN, Mohammad Bagher Ghalibar në X.
Gjithashtu Ghalibaf e vijoi mesazhin më tej, duke thënë se: “Mos u gaboni: nuk do të arrini asgjë duke kryer krime lufte", shkroi Kryetari i Parlamentit iranian në X.
"E vetmja zgjidhje e vërtetë është të respektohen të drejtat e popullit iranian dhe t'i jepet fund kësaj loje të rrezikshme.", përmbylli reagimin në X, raporton agjencia italiane e lajmeve.
Ish-ministri i jashtëm iranian, Ali Akbar Velayati, paralajmëroi gjithashtu se: “nëse Shtëpia e Bardhë përsërit gabimet e saj të pamenduara, ajo do ta kuptojë shpejt se rrjedha e energjisë dhe tregtia globale mund të ndërpriten me një sinjal të vetëm”.
Velayati kritikoi më tej strategjitë e Uashingtonit, duke deklaruar se ndërsa “Shtetet e Bashkuara kanë mësuar historinë nga Irani, ato ende nuk e kanë mësuar gjeografinë e fuqisë”.
