Të ardhurat që shteti siguron nga dhënia me qira e pasurive të sekuestruara dhe të konfiskuara kanë shënuar një rritje t...
BOTA
Irani ndërpret lidhjet me SHBA-në për shkak të sulmeve të Hezbollahut: Do të mbajnë përgjegjësi!
PiranjatPërditësimi i fundit 1 Qershor 2026, 18:01
Irani ka vendosur të pezullojë komunikimet me Shtetet e Bashkuara përmes ndërmjetësve, pas operacioneve ushtarake të Izraelit kundër Hezbollahut në Liban. Lajmi është raportuar nga agjencia iraniane Tasnim, e afërt me Gardën Revolucionare Islamike (IRGC).
Sipas raportit, Teherani nuk do të rikthehet në bisedime derisa të plotësohen kërkesat e tij për ndalimin e operacioneve ushtarake izraelite në Liban dhe në Gaza. Autoritetet iraniane i konsiderojnë sulmet e fundit ndaj Hezbollahut si një shkelje të armëpushimit të 8 prillit mes Iranit dhe Shteteve të Bashkuara.
Tensionet u rritën më tej pasi kryeministri izraelit Benjamin Netanyahu dhe ministri i Mbrojtjes Israel Katz urdhëruan goditje ndaj objektivave në lagjen Dahiya të Bejrutit, ndërsa forcat izraelite avancuan në territorin libanez dhe morën kontrollin e Fort Beaufort.
Ministri i Jashtëm iranian, Abbas Araghchi, reagoi ashpër ndaj zhvillimeve, duke deklaruar se “shkelja e armëpushimit në një front do të thotë shkelje e armëpushimit në të gjitha frontet”. Ai paralajmëroi se Izraeli dhe Shtetet e Bashkuara do të mbajnë përgjegjësi për pasojat e çdo veprimi që, sipas Teheranit, cenon marrëveshjen e armëpushimit.
Në një mesazh të publikuar në rrjetin social X, Araghchi theksoi se “Shtetet e Bashkuara dhe Izraeli do të mbajnë përgjegjësi për pasojat e çdo shkeljeje të armëpushimit”./PiranjatNews/
