Ka nisur protesta e pestë në mbrojtje të Zvërnecit, ku qytetarët kundërshtojnë projektin për ndërtimin e një r...
BOTA
Sulmit e Iranit në bazën ajrore amerikane, rriten ndjeshëm çmimet e naftës
PiranjatPërditësimi i fundit 28 Maj 2026, 08:54
Çmimet e naftës u rritën ndjeshëm të enjten, pasi tensionet mes SHBA-së dhe Iranit u përshkallëzuan sërish pas raportimeve për sulme ushtarake pranë Ngushticës së Hormuzit.
Nafta e papërpunuar Brent u rrit me 3.51 dollarë, ose 3.72%, duke arritur në 97.80 dollarë për fuçi, ndërsa kontrata më aktive e gushtit u ngjit në 95.60 dollarë për fuçi. Po ashtu, nafta amerikane West Texas Intermediate (WTI) u rrit me 3.31 dollarë, ose 3.73%, duke arritur në 91.99 dollarë për fuçi.
Rritja e fortë e çmimeve erdhi pasi Irani njoftoi se kishte shënjestruar një bazë ajrore amerikane në përgjigje të një sulmi amerikan pranë aeroportit Bandar Abbas.
Sipas agjencisë iraniane Tasnim, Garda Revolucionare paralajmëroi se çdo “agresion” i ri nga SHBA do të përballet me një reagim edhe “më vendimtar”.
Nga ana tjetër, një zyrtar amerikan i tha Reuters se ushtria amerikane kreu sulme të reja ndaj objektivave iraniane, të cilat konsideroheshin kërcënim për forcat amerikane dhe trafikun tregtar detar në Ngushticën e Hormuzit.
Zhvillimet e fundit rikthyen shqetësimet në tregjet globale të energjisë, pasi vetëm një ditë më parë çmimet e naftës kishin rënë me mbi 5%, mes shpresave për një marrëveshje mes Uashingtonit dhe Teheranit që do të çonte në uljen e tensioneve dhe rihapjen e plotë të korridorit strategjik detar.
Analistët paralajmërojnë se tregu mbetet tepër i ndjeshëm ndaj çdo incidenti në rajon. “Furnizimi me naftë vazhdon të jetë i kufizuar dhe pikat kryesore të tensionit nuk janë zgjidhur ende”, deklaroi Daniel Hynes, analist i mallrave në ANZ.
Ndërkohë, edhe të dhënat mbi rezervat amerikane të naftës ndikuan në treg. Sipas Institutit Amerikan të Naftës, rezervat e naftës bruto në SHBA ranë me 2.8 milionë fuçi javën e kaluar, duke shënuar javën e gjashtë radhazi në rënie.
