Një raport i ri ndërkombëtar mbi shtetin e së drejtës, i publikuar nga World Justice Project (WJP), e rendit Shqipërinë n&e...
BOTA
KE akuzon Google dhe Apple për thyerjen e rregullave të saj dixhitale, rrezikohet përshkallëzimi i tensioneve me Trump
n.fPërditësimi i fundit 19 Mars 2025, 19:20
BRUKSEL- Komisioni Evropian ka akuzuar kompanitë amerikane të teknologjisë Google dhe Apple për thyerjen e rregullave të saj dixhitale, një veprim që mund të përshkallëzojë tensionin transatlantik me Donald Trump. Presidenti amerikan ka kërkuar të ushtrojë presion mbi BE-në për t'u larguar nga rregullimi më i ashpër i grupeve amerikane të teknologjisë, duke paralajmëruar se ai mund të hakmerret duke vendosur tarifa ndaj kompanive të huaja.
Sot komisioni vazhdoi me veprimet detyruese kundër Apple dhe kompanisë mëmë të Google, Alphabet, dy nga pesë kompanitë më të mëdha në botë për nga vlera e tregut të aksioneve, duke i akuzuar ata për thyerje të Aktit të Tregjeve Dixhitale të BE-së (DMA).
Shkeljet e DMA mund të rezultojnë që kompanitë të gjobiten me 10% të të ardhurave, ose 20% nëse kryejnë një shkelje. Bazuar në të ardhurat e Apple për vitin 2024 prej 391 miliardë dollarësh , gjoba maksimale do të ishte gati 80 miliardë dollarë.
Komisioni tha se kishte marrë një "pikëpamje paraprake" se motori i kërkimit i Google i jep përparësi rezultateve që tregojnë shërbimet e vetë Alphabet mbi ato të rivalëve, duke shkelur kërkesën për të trajtuar shërbimet e palëve të treta në një mënyrë transparente, të drejtë dhe jodiskriminuese.
Ai tha gjithashtu se Google Play, dyqani i aplikacioneve të kompanisë, i pengon zhvilluesit të drejtojnë konsumatorët drejt kanaleve të tjera ku mund të ofrohen oferta më të mira. Komisioni i tha Apple se duhet t'i vërë në dispozicion sistemet e tij operative për pajisjet e prodhuara nga konkurrentët, si telefonat inteligjentë dhe kufjet me valë, ose përndryshe do të përballet me mundësinë e hetimeve dhe gjobave.
Urdhri është krijuar për të nxitur konkurrencën duke bërë të mundur që prodhuesit e teknologjisë rivale të lidhen me pajisjet e Apple, si iPad dhe iPhone. BE lëshoi një urdhër të dytë kundër Apple, duke përcaktuar një afat kohor dhe metodologji të detajuar se si Apple duhet t'i përgjigjet kërkesave të zhvilluesve të aplikacioneve për të hapur sistemet e saj.
