Kryeministri Edi Rama ka vijuar sulmet ndaj protestuesve që prej javësh janë mbledhur në Tiranë kundër qeverisë së tij...
BOTA
‘Kjo është hemisfera jonë’/ Rubio: Narkoterroristët do të goditen në çdo territor ku ndodhen
PiranjatPërditësimi i fundit 5 Janar 2026, 21:45
Sekretari amerikan i Shtetit, Marco Rubio, përsëriti sot se Hemisfera Perëndimore ‘është zona ku interesat strategjike amerikane janë të patjetërsueshme’ dhe SHBA do të vazhdojë të veprojë në këtë rajon për të penguar praninë e aktorëve armiqësorë ose të paligjshëm, duke përmendur shqetësime rreth lidhjeve të regjimit venezuelian me Iranin apo grupe si Hezbollah.
Gjatë një deklarate zyrtare të sotme për median, Rubio ka ripërsëritur angazhimin e Administratës së Presidentit Trump ndaj operacioneve të vazhdueshme kundër narkoterrorizmit dhe rrjeteve kriminale në Amerikën Latine. Ai e përshkroi operacionin e fundit të SHBA-së në Venezuelë si një hap të domosdoshëm për sigurinë e Hemisferës Perëndimore.
Rubio theksoi se Shtetet e Bashkuara nuk janë në luftë me Venezuelën si shtet, por po synojnë ‘kapjen dhe çrrënjosjen e organizatave kriminale që shfrytëzojnë territorin venezuelian për trafik të drogës dhe kërcënime ndaj sigurisë kombëtare amerikane’.
Ai i referohet këtyre grupeve si një ‘narkoterrorizëm’ që duhet goditur në çdo territor ku vepron.
Sipas Marco Rubio, operacioni i fundit, i koduar si Operacioni ‘Absolute Resolve’, është kryer me sukses nga forcat speciale amerikane, pa një prani të përhershme ushtarake në territorin venezuelian, dhe ka çuar në kapjen e ish‑presidentit Nicolás Maduro dhe bashkëshortes së tij, Cilia Flores, të cilët tani po përballen me akuza federale lidhur me trafikimin e drogës dhe terrorizëm në Neë York.
Rubio sqaroi se SHBA nuk ka ndërmend të pushtojë Venezuelën si shtet, por do të vazhdojë presionin për ndryshime konkrete, jo vetëm deklarata publike. Ai përmendi masa të tjera, si sekuestro të anijeve të drogës, sanksione ndaj industrisë së naftës dhe goditje kibernetike ndaj infrastrukturës kriminale, si pjesë të strategjisë amerikane për të ndalur rrjetet e trafikut të narkotikëve.
Ai gjithashtu hodhi poshtë çdo pretendim se Maduro mund të konsiderohet një udhëheqës legjitim, duke insistuar se ai ka qenë ‘një trafikant droge i paditur dhe një udhëheqës i paligjshëm’, dhe se kapja e tij është një hap drejt neutralizimit të kërcënimeve ndaj SHBA‑së dhe partnerëve të saj në rajon.
